المستهل
جانه طارش الشاطي + كالوا علنهر مطروح
جانه طارش الشاطي

عشاطي الكمرغرب + غرب وشيسلي الروح
جانه طارش الشاطي
___

1-
رد حسين لعياله + وكله صفت بس نسوان
رد حسين لعياله

عاف الحرم بالحيره + وعبد الله الطفل عطشان
رد حسين لعياله
___

2-
محني الظهر ياويلي + كالتله ينور العين
محني الظهر ياويلي

خيك وين خليته + كلي بيا كتر يحسين
محني الظهر ياويلي
___

3-
كله واعد سكينه + وما يقبل يعيف الجود
كله واعد سكينه

ماتكدرتصد عينه + ومخه انخبط بالعامود
كله واعد سكينه
___

4-
كطعوا يسره ويمينه + ورايته هوة للكاع
كطعوا يسره ويمينه

كله اندارة علينه + والخدر يازينب ضاع
كطعوا يسره ويمينه
___
5-

صاحت وشبصرك بينه + لو رحت ولفتنه الناس
صاحت وشبصرك بينه

خويه لا تخلينه + لا الاكبر ولا عباس
صاحت وشبصرك بينه

حيدر العذاري 2013

طورالفجري للسيد كاظم القابجي النجفي
قصيدة ماظلت بعد وليان
ولو اني اعتقد ان لا احد يعرفها ولكن هذه القصيده عندي موجوده وساحاول وضعها انشاء الله

راحوا والدمع صوبين + راحوا والدمع صوبين
ظليت بمرض بس اجر بونين
++++
1-
سدروا اهل الرجايب + وسارت بنية حديه
خذوا كل اهلي واحبابي + وصفت داري بلا وليه
انظر اعله الدار وانشد + وداري مترد بحجيه
تصفر خليه بلا نزل + صوتي ظل يدور بيه

يا دار ضلينه سوه + نتناغه بهموم الهوى
للعشك ميصح الدوه + ولوعتي من يهديه

دمعه توسطت بالعين + دمعه توسطت بالعين
يوم اللي مشو اهلي الطيبين
راحوا والدمع صوبين
+++++
2-
اه يا يوم الموادع + كطعت كلبي اوريده
خذت خواني وعمامي + وضحت شوفتهم بعيده
ردت عبد الله احضنه + يضل يمي وايدي بيده
بس رضيع يريد امه + وامه ماتكدر وحيده

ارضع يروحي بلا ظمه + وعينك تنام منعمه
واختك انصابت بالعمه + والوعد ما وفه بوعيده

امنين النايبه امنين + امنين النايبه امنين
لفتني وللكلب جسمته نصين
راحوا والدمع صوبين
+++++
3-
ابيضت ليعكوب عينه + على اوليده اللي تغيب
وانه عيني العمه طره + ونار كلبي بجمر تلهب
يبجي يعكوب اعله يوسف + وهو واحد عنده يطلب
رجع يوسف من سفرته + وابقه على السبعين انحب

ابجي اعله ضيمي بدنيتي + سبعين همي وطلبتي
علدرب صارت كعدتي + انشد الشرك وغرب

انطر وانشد الماشين + انطر وانشد الماشين
هم سمعوا خبر عن رحل الحسين
راحوا والدمع صوبين
+++++
4-
وعد من العود عده + يرد الاكبر لو كمره
بالامل والحسره ظلت + تسعر النار بصدره
وين الاكبر وين جاسم + وين عباس يحضره
مادرت كل الهواشم + عزمت وامضت بامره

بالباب ظلت تنتظر + تنشد علاكبر والكمر
وحسين ما رد الخبر+ بكت محتاره بفكره

جا وين الوعد صاروا وين + جا وين الوعد صاروا وين
ظلينه بوجل ما اجو الاثنين
راحوا والدمع صوبين
+++++
5-
تنشد من الدار كامت + ليش احبابي نسوني
شدوا كبالي رحلهم + ويه الظعن ما رجبوني
وحيده بهمومي وحيرتي + تسليني دمعة عيوني
اصبح وامسي بصورهم + وهمه ماظن يذكروني

ظنيت ما عندي اهل + ولصبري ينفت الجبل
لا خبر لا طارش وصل + لا وصيه الي تهديني

منسيه وهلي مغربين + منسيه وهلي مغربين
وينك يا علي يا ابو الحسنين
راحوا والدمع صوبين

حيدر العذاري الحسيني النجفي