مخطور ابنج ... روحي ادعيله
1
يوليدي ويا مالك عمري
انه بامرك حرة بامري
تتكسر انفاسي بصدري
ولكلبي هدمته لحيله

2
يوليدي وتطلع كدامي
للموت وادري بايامي
من تغدر تحرك احلامي
ولحلامي احتركت كل ليله

3
امه تحس بلهبة كلبه
ومن يرجع للعود يحبه
يخلي لسانه ومنه لهبه
اعله لسانه يريده يرويله

4
ياليله يا ام الاكبر
ادعي من الله بساعة معسر
يعين وليدج الله وينصر
وليدج مخطور وادعيله

5
صاحت ليله مروتك ربي
يمبري الذيب ويملبي
دعوة يعكوب انصر كلبي
ردله وفرحت هلعيله

6
لاجن ما ادري شارويلك
يلمومن يتحمل حيلك
لو كتلك عن حال حسينك
يم ابنه بساعة تقبيله

7
من شافه اعله الترب معفر
ومن كل جانب شافه امطبر
ولمن دخلن عنده الخدر
ومن كعدة امه تناغيله

8
يبني ويا زهرة امالي
طاح خلافك عزي الغالي
يلاكبر كوم انظر حالي
وحمل مصابك ياهو يشيله

عباس لعينك طفوهه
عباس لعينك طفوهه

ياخويه ويا كافل خدري
انه خلافك لني بيسري
لو ادري ما جيت وتدري
بهاي العيله من جبتوهه

تدري بام الطفل اليرضع
تناغيله باسمك ما يقنع
تكله العم شويه ويرجع
ومن يرجع عيله يروهه


تدري سكينه ظلت تنطر
للماي وجيتك من تحضر
رادت تطفي جمره التسعر
بحشاهه جمره لهبوهه

والاكبر طاح وهم جاسم
وانصار وياهه وكل غانم
بس عليل الباقي سالم
واطفال وياكم فطموهه

وحسين الظل شابح عينه
اعله الشاطي ومحد يعينه
جثته خلافك من خلينه
علترب ضلوعه رضوهه

والشمر الي حز الركبه
سهم مثلث صايب كلبه
جدنه الجان بشفته يحبه
عباس خلافك ضربوهه

راسه اعله الميال كبالي
ريتك خويه تشاهد حالي
لليسر تحضرنه وتالي
ايتامك تاهت ضيعوهه

عباس خلافك كيدونه
بسياط اعداكم ضربونه
بغير الاسلام يسمونه
وادم يلجنتو ترحموهه

عباس لعينك طفوهه
عباس لعينك طفوهه


حيدر العذاري الحسيني النجفي