حكمه (موال)

الذي اصله عوج بيت العوج طلعه
دحج اله بالنظر زين وبعد طالعه
تلكه المصايب تدر من جعبته طالعه
والذي اصله عدل كل العوج عدله
شاهر السيف ولبس درع الحرب عد اله
يحضر بكل مشكله وكل الفضل عاد اله
متحزم بصايته ومنه الحكم طالعه


وخط بي
الدهر دك اسمك بكلبي وخط بي
وحط اسمك على جبيني وخط بي
حسين انته الشرف اسمك واخط بيه
مصباح انته بعرش رب البريه

وجاعت
الدهر عطش عروكي وجاعت
الظهر بيه الامي وجع عت
اذا صاحت الوادم وجعت
نخيت الزهره بالونه الخفيه


وهم بي
تغومش هلنظر مني وهم بيه
والجسد مني تنوحل وهم بيه
صرت انخه ابو فاضل واهم بيه
يشافيني ابن حامي الحميه

واشاره
الحر يكتفي بنظره واشاره
حسين الساوم بنحره وشاره
دمه وليده ارتفع لسمه وشره
ابد ما كطره نزلت للوطيه

علي هم
ظلت حسرتي بصدري علي هم
بجيت وسالت دموعي عليهم
غده نايم على الغبره عليهم
الاكبر هلشبه سيد البريه

تعبه
تعبه حبكم وسط شرياني تعبه
ثجيل الحمل من عدكم تعب به
الشيعي بحب ابو الحمله تعيبه
الوادم الماتعرف حامي الحميه

تره بيك
حب حسين يكليبي تره بيك
وامه بالحشر تحضر ترابيك
تهزهز يالحد وانفض ترابك
واكومن وانتصر لبن الزجيه

عقله
حب حسين سودلي عقله
وعقل ماظل لجون الي عقله
ناكة المكفوله ياهو الي عقله
وياهو نزله من جانت سبيه

والمهم
يذوب الكلب لاحبابي والم هم
انظر علنسه فرت والمهم
اليتامه شلون الكاهم والمهم
عكب الولي ماكعدوا سويه

ويرهم
شكي ما اله مخيط ويرهم
شد الشمر لوصالي ويرهم
مشيت بسبي شلون اركب ويرهم
اصب ادموع وانظر علوطيه

بلامعاد
انه الصبر حط يمي بلا معاد
جفيلي الواعد يردلي بلامعاد
وتالي الشمر رافجته بلا معاد
مشيت اونتي بسكته وخفيه

بجفي
جفي تصفج من الهم بجفي
مشيت حبال مربوطه بجفي
شلون المهر قدمته بجفي
ميمون وسدة ذيج الرزيه