تتنومس رمله بافعالك + شو نايم علغبره شمالك
1-
تتنومس وتكول وليدي
يا زهرة ايامي وعيدي
ربيتك بدموعي وايدي
ردت اشمالي بجف اشمالك
2-
اشمالك يلمعرس هاي امك
جتي تريدك تنصر عمك
والحره تقبلك وتشمك
ياريح الخوه باوصالك
3-
الخوه من العود انته ترده
وايام النخوه اجدده
جا زينب منهو اللي عده
هليوم وشبحت لخيالك
4-
شبحت للحومه تظل تنظر
تتمايل الخيول وعسكر
كوم وبرد كلوب الخدر
ختهلهل وتشوف افعالك
5-
افعالك من حيدر يلمعرس
عمامة عودك كوم والبس
ادبج بالكاع وظل اردس
هز الميدان بزلزالك
6-
زلزال وطب وسط الحومه
ذكره بصفين ويومه
فززه وظلت مهمومه
ويا ويلي من شسع نعالك
7-
شسع نعالك سوه مصيبه
وامك بنياحه وتجليبه
ومهديكم طول بالغيبه
شد احزامك احنه ارجالك
8-
شد احزامك وانهض ليه
غربل اوله وصفيه
راية جدك ما نطويه
منشوره وتبقه لاجيالك
9-
اجيالك مهظومه وماذيه
بكطيف وبحرين عليه
انجمعت عدوانك ليه
كوم انصره ولم اطفالك
10-
اطفالك بالطف فطموهه
واجيالك تنزف خلوهه
بطف وبحرين يسحكوهه
ميطهر الكاع اله امثالك

حيدر العذاري