المستهل

تاخذ ثارك تاخذ ثارك +++ يمته تظهر تاخذ ثارك
وين اخبارك وين اخبارك +++ هاي الشيعه تريد اخبارك

1

جم مصاب الي يجدد +++ والالام عليك ادور
والشيعه لجيتك منتظره +++ وانته التعلم يلمنصور
ماهمه كل ظلم وجاير +++ كصدت جدك عنده ازور
تفجير وارهاب وسنه +++ وتكطع منعدنه نحور
نندبلك كل يوم مصايب +++ دلالك بيه مفطور
نذكرلك كل مره مصيبه +++ ونريدك فد مره اثور

وهذه مصابك هذه مصابك +++ صاب الشيعه هذه مصابك
تاخذ ثارك تاخذ ثارك +++ يمته تظهر تاخذ ثارك

****************
2


ابديلك يلمهدي بوحده +++ تتحير بيه الالباب
للي وكعت من لوعته +++ وتالمت من دفع الباب
اندبلك محسن يلغايب +++ وادري كثره عليك اسباب
ما تتحمل جمر اللوعه +++ ومصابه عليكم لهاب
بس شلون اصبر روحك +++ ونارك تغلي من مصاب
كنفذ والسوط اعله الزهره +++ يتلاعب ونريد جواب


ودي جوابك ودي جوابك +++ هاي الشيعه تريد جوابك
تاخذ ثارك تاخذ ثارك +++ يمته تظهر تاخذ ثارك

*********************
3


نندب حيدر من تخضب +++ لمصابه كبر جبريل
هذه الهُدى صرحه تهدم +++ واركانه جم ميله تميل
ومن طاح الوالي بمحرابه +++ ودم من راسه كام يسيل
جم يتيم الصار بحاجه +++ وجم يتيمه الصاحت ويل
نندبلك اركان اسلامك +++ وعرش التقوى والتأويل
واسلامك تدري يلغايب +++ محتاج لسيف التعديل


طاح اسلامك طاح اسلامك +++ بطيحت حيدر طاح اسلامك
تاخذ ثارك تاخذ ثارك +++ يمته تظهر تاخذ ثارك


******************
4


سيدي والشيعه تنحب +++ على جدك المسموم
سمته جعده وامله +++ حصه تاخذ من الكوم
وزينب الشافت جبته +++ خويه نادت يامظلوم
بالطشت جبدك يغالي +++ ريته جبدي انصاب اليوم
والحسن شو لنه كاضي +++ وام البغل جتي تحوم
ما اريده بيتي يدخل +++ والارث منه محروم


هاي اعدائك هاي اعدائك +++ كوم وعاين هاي اعدائك
تاخذ ثارك تاخذ ثارك +++ يمته تظهر تاخذ ثارك

******************

5


ياشهيد الغاضريه +++ واه حسيناً ياعطشان
والفرات بكربه ينضح +++ جففو ثدي الرضعان
سلب زينب واليتامه +++ ألكفله عالي الشان
توكف بمجلس اميه +++ تحامي جنه عنسوان
الكوفه غدرت وبغدره +++ هدمت عرش الرحمن
بجت الارض وسماهه +++ دم ودمع كل مجان

واحنه انصارك احنه انصارك +++ ريتك تظهر احنه انصارك
تاخذ ثارك تاخذ ثارك +++ يمته تظهر تاخذ ثارك

*******************

6


ويلي اعله كلب العقيله +++ والعليل الي مكيود
شاهد خيام ويتامه +++ والهموم عليه ازود
تناشد يتيمه ليتيمه +++ وينه عمي راعي الجود
شلون يتركني وحيده +++ أوصه بينه ذاك العود
وانته تدري بابو الغيره +++ نابت براسه عامود
مايحرك جفوفه لنه +++ مابكت لجفوفه زنود


هاي جفوفك هاي جفوفك +++ كوم وحامي بهاي جفوفك
تاخذ ثارك تاخذ ثارك +++ يمته تظهر تاخذ ثارك

*******************

7

سيدي يبن الزجيه +++ بالكلب الكم اهات
ماتوصف الاه جلمه +++ لادمع برد جمرات
جمرت الاكبر لهيبه +++ واللهب منه حسرات
وجمرت القاسم تضوي +++ بالكلب بيه ونات
أوحده لزينب تفجر +++ بالحشى سيل الدمعات
والجمر كله تناثر +++ بالكلب رافع رايات


جمرت نارك جمرت نارك +++ بكلب الشيعه جمرت نارك
تاخذ ثارك تاخذ ثارك +++ يمته تظهر تاخذ ثارك
حيدر العذاري الحسيني النجفي