طور وطن الله يرحمه ( يابو حسين هاي شلون تاليه)


علتربان دم عطشان + والاجساد منحوره
بغير لحود ما موجود + اللهم اهل مذكوره

دفنهم مشكله + ولا اللهم عايله
صارت اسد مذعوره
+++++
1-
وكفت اسد متحيره اتدير الانظار
شافته وهملت بالدمع على الابرار
امنين هاي القتلى شجره وشصار
وما تدري شتسوي وجثثهم طشار

مامعلوم لا مفهوم + حتى الارض مهجوره
والنسوان بالاحزان + جيف الروس مبتوره

تحيروا بالمسائله + ولا اللهم عايله
صارت اسد مذعوره
+++++
2-
اجه السجاد اله اوضح التبيان
كال هنا كضه ابن النبي عطشان
وهنا لمن هجمت علنسه الفرسان
خيمنه تلاهبت بالطف تشب نيران

حتى رضيع دم انجيع + بسته طفوا ضي نوره
برمي سهام لمن نام + العسكر غدت مسروره

ويلي من حرمله + ولا اللهم عايله
صارت اسد مذعوره
+++++
3-
حفروا للهواشم حفره بس عباس
بمجانه ظل مثل ما راد ابو النوماس
منو يكدر يشيل الخوه من الناس
يم سبله اندفن والرايه ويه الطاس

يم الماي شلون الراي + جبينه غدة مطبوره
راسه انجسم عينه بسهم + زينب مشت ميسوره

ما رد لهله + ولا اللهم عايله
صارت اسد مذعوره
++++
4-
وللانصار حفرة هم بعد حفره
وارة بيه ذيج اجساده الحره
ما رادت تعيش بذله وبغدره
ماتت بالشرف وبنصرة الزهره

الزهره اليوم كله هموم + والاجساد منثوره
يم حسين تجري العين + تشوف ظلوع مكسوره

تعاين مفصله + ولا اللهم عايله
صارت اسد مذعوره
++++
5-
ابو محمد يكول حسين دفانه
جبته وجيت وهذه اللحد ومجانه
نزل جثته ولن صوت باذانه
عبد الله توسده بكبري هنانه

واويلاه من حاجاه + اتمنه اللحد وكبوره
هاج ونين بدمع العين + يلرايتك منصوره

ثارك معضله + ولا اللهم عايله
صارت اسد مذعوره
+++++

حيدر العذاري