حيره ( زينب ع)

حيره

وزن روحي لباسم الكربلائي

محتاره علمامش صفت + حيره
والاخوه كله اذبحت + حيره
غربت عنه ومالفت + حيره
+++++
1-
من طلعت من الوطن للغاضريه + جنه سويه والله حيره
عيون خواني وهلي وكل العشيره + تصد عليه والله حيره
اليوم كله اعله الترب امست نيامه + هلمسيه والله حيره
كلفه
عباس طاح اعله النهر + كلفه
وجفوفه كطعوهه الكمر + كلفه
والعين بالسهم انطفت + حيره
+++++
2-
جعفر وعبد الله ناموا وانه وحدي + ومالي والي ويلي يمه
عون والاكبر وجاسم مني راحوا + وشصفالي ويلي يمه
والرضيع تفطمه نبله وامه تنحب + على الغالي ويلي يمه
نبله
الطفل بالسم رضعته نبله
وحسين صابت جبدته نبله
وجدمي على التل اعتلت حيره
+++++
3-
الحوافر بكت تلعب على صدره + من تصوب ويلي غربه
كتله لعيالك تصد وكل خيمه + بنار تلهب ويلي غربه
على التل نايم يخويه ادرك اختك + الشمر كرب ويلي غربه
الليله
جا وينه عنك حيدره الليله
بتك على التل حايره الليله
وجثة حسين اتسلبت حيره
+++++
4-
جم يتيم اللي ادور جم يتيمه + وهلظليمه عليه دارت
روس خواني برماح وهلرزيه + والجريمه عليه دارت
التفت يمنه وشمالي الدنيه جنه + يا هضيمه عليه دارت
زينب
تاليه بين اهل الغدر زينب
ياريته يخلص هلعمر زينب
ولا تالي بالحومه ابتلت حيره
+++++
5-
ليش يادهري الخدر مني سلبته + بين اجانب اه يدهري
والشمر جتال اخويه السوط بيده + يظل يلعب اه يدهري
والصبح علهزل تدري والله صعبه + لمن نركب اه يدهري
جودي
هلي بدمعتج علاهل جودي
ياعيني والراس انفصل جودي
وزينب الليله تيسرت حيره
+++++
6-
كعدة ونظرة لخوهه تكله ربي + ما رعونه وانته تشهد
كل ذبايح كربله لعزتك قربان + واشتمونه وانته تشهد
والدمه مطرت علينه وظعن عطشان + فرهدونه وانته تشهد
يا رب
تقبل ذبايح كربله يارب
وحسين ابن عقد الوله يا رب
دارت وجهه وسدرت حيره

حيدر العذاري