جتي الزجيه +++ للغاضريه

بضعة الهادي +++ تصرخ تنادي

وتــــــــــــــــــلاكن

***********************
1
الله واكبر من الم +++ بدل سعادة فرحه

يتلاكن الام وبنت +++ بالفاجعه ونياحه

وشكبر همك يافجر +++ لون الحَمار بصبحه

جن مطرت الدنيه دمه +++ جن الارض متقرحه


ياعيني هملي +++ مو ماتو اهلي

تفطر فوادي +++ تصرخ تنادي

وتــــــــــــــــــلاكن

*************************
2

بالاه والونه وحزن +++ تحظن الام لبته

جمره بشراره مولعه +++ والتهبت بدمعته

اهات منج كربله +++ كلهم نيامه اخوته

يايمه لو شفتي الحرم +++ متلوعه بخيمته

خيمته تلهب +++ والحرم تنحب

كصدت الوادي +++ تصرخ تنادي

وتــــــــــــــــــلاكن

*************************
3

يمه لو ردتي الوصف +++ عن الخبر والي صار

بمثلث وليدج كضه +++ وخيامه تلهب بالنار

واخذي النباء عن منحره +++ علرمح وبايد اشرار

والصدر منه منكسر +++ داسته خيول الفجار

بالبر رميه +++ وانه سبيه

وانه بسوادي +++ تصرخ تنادي

وتــــــــــــــــــلاكن

**************************

4
يمه ولن طاح الكمر +++ نايم على شاطينه

والبدر مصيوب بعمد +++ سهم الزمن طر عينه

يمه وبكتره رايته +++ مادرت بيه سكينه

تتنطر هلاله يشع +++ ومن العطش يروينه

لزمو نهرنه +++ نايم بدرنه

بيد الاعادي +++ تصرخ تنادي

وتــــــــــــــــــلاكن

***********************

5
خل جفن عيني يحترك +++ وجمره تتبعه الجمره

خل ياكل كليبي القهر +++ والهظم منه يفطره

عكبك ييمه لاصبح +++ ولا ظهر يحله وعصره

ومن نحرك العمر انذبح +++ نادت البضعه الزهره

نادة دليلي +++ يا دمعه سيلي

وانه بسهادي +++ تصرخ تنادي

وتــــــــــــــــــلاكن

*******************
6

حطت ظلعه المنكسر +++ يم الكسر بصوابه

كلتله يمه مصيبتك +++ أبسمار اليَّه وبابه

وكيد العليل اويه الحرم +++ بدر واحد عطابه

ونحر الطفل يلمنفطم +++ من المحسن اسبابه

تطفح دماكم +++ يغلي هواكم

وانه بودادي +++ تصرخ تنادي

وتــــــــــــــــــلاكن

******************
7

احى يناعي كربله +++ احى ينحر المظلوم

جم صدر بالدنيه انكسر +++ وجم طفل بيه مفطوم

جم نبي ذبحوله ولد +++ واعله العمد منه دموم

مفطوم يبقه للابد +++ نهر الفرات ومهموم

عبد الله يبني +++ نحرك ضهدني

وانته مرادي +++ تصرخ تنادي

وتــــــــــــــــــلاكن

**************************
8

راحت الحره فاطمه +++ واكعدت يم الاحرار

يليوث الغاره ياسند +++ نلتقي يم حامي الجار

والتفتت لكتر النهر +++ صاحت يبني يلمغوار

جفوفك العندي مامنه +++ تظهر بيوم المحشر

لظن اعوفك +++ عندي جفوفك

ويقتص الهادي +++ تصرخ تنادي

وتــــــــــــــــــلاكن

********************
9

لو هدات عيون الخلك +++ وللكمر غاب المطلع

بلله يحفار اللحد +++ لو حطيته جوه الكاع

بلل الكبر اوعرضه +++ لا يلجم بالمصرع

اوسد رضيعه اعله الصدر +++ وعليه هل المدمع

وسعله لحده +++ لدفنه وحده

وانه بحدادي +++ تصرخ تنادي

وتــــــــــــــــــلاكن

حيدر العذاري