انا عاشك واحب حسين + وطعم العشك بلساني
ولو ما تمشي الرجلين + لطف كربله عنواني
اكطع اليسره ويه يمين + وتوصل زحف جفيني
وانحب عند ابو ميامين + وسط اهلي وخواني
من الغرب تبجي العين + والعبره تواسيني
وارفع للسمه الجفين + يا اللهي احفظلي اوطاني


عشكتك واليحب يهوه + وانته للكلب مهوه
ياكعبة وشرف للدين + دشوفه لنحرك شسوه

1-
ما مش بالعشك اعذار + وانتوا ولد حامي الجار
يا صحن وضريح اختار + دليلي بالامر محتار

شسوي يابعد يروحي
موبيدي كثر نوحي
وانتوا همي وجروحي
والله انمردت الجلوه

عشكتك واليحب يهوه
2-
وكفت تحيرة ياناس + بين الخوه والنوماس
مثل زينب ادير الراس + بين حسين والعباس

اتلفت على يميني
اشوف الصفا تناديني
ورجلي ماتخليني
ياهو الصفا ومن مروه

عشكتك واليحب يهوه



3-
المروه اندهة هاي الروح + تعال ادخل سفينة نوح
حسين اليسعف المجروح + وبصحنه يطيب النوح

تعال اعله الضريح افتر
وقبل صخرة النحر
الحجر الاسود لمن يحضر
جبده بعطش يتلوه

عشكتك واليحب يهوه

4-
لتفكر بعد وتحير + حجه الك هاي تصير
اسعى وتمم التقصير + ولتظن هذه بي تزوير

نبينه الكال والسطر
ستين الاف واكثر
زيارتكم لابن حيدر
ويوم الحشر تتروه

عشكتك واليحب يهوه

5-
اجيت وصلت يم الباب + ذكرة محسن من انصاب
عودك يومه بالمحراب + ولعبد الله كلبي انعاب

ذكرة لاسماعيل وامه
بخبر سجين منعميه
رباب العندك ورمله
ياهو اكبر البلوه

عشكتك واليحب يهوه


6-
انصار الك كله تصيح +كله لبت بتوضيح
باجر كلنه راح انطيح + ولعينك تهب الريح

كعبه انته واجينه ليك
نطوف بحضرتك وعليك
لبيك والف لبيك
ولله نرفع الشكوه

عشكتك واليحب يهوه

حيدر العذاري