صكر الحسين من ساسة + وتظل العالية مداسة
يلتنشد عليه وتكول + دشوف اعله الرمح رأسه

1-
صكر طار بسمه بجنحان + جنحانه صفك بيه
تتكالب اله العدوان + محفوظه باساميه
شب بساحة الميدان + ونيرانه شيطفية
مامش بالشجر اغصان +بنزلته يوكر عليه

هو الفخر نبراسه + دشوف اعله الرمح راسه
2-
نزل علرمح بس بمجان + ماوردت طواريه
ذبحوله الطفل عطشان + و نباله محضرية
تلكه الباري هلقربان + نجيع الدم يواسيه
جسمه تعفر بتربان + وثيابه امسلبيه

ثوبة الشرف ولباسه + دشوف اعله الرمح راسه

3-
اخذوا ثار ابو سفيان + ثار ابدر جاويه
زينب رادت الاوطان + واتمنت ترد ليه
لجن عباس مو صحيان + وزنوده امكطعيه
انصابت هامته بعمدان + وسهم بالعين طافيه

راعي الجود عباسه + دشوف اعله الرمح راسه

4-
حسين الوكر اعله سنان + عشوشة برمح بانيه
لسانه يرتل القران + واطفاله يباريه
عينه شبحت علوديان + جيف الطفله ناسيه
يشوف اسياطه وغلمان + ولزينب يراعيه

تحس النوك بحساسه + دشوف اعله الرمح راسه

5-
من طبو لعد كوفان + وشافتهم اهاليه
تتصدق على النسوان + وتبجي الناس تاليه
صبح الانسان موش انسان + رسله انكرة طاريه
شبحت عين ابن مرجان + لشفافه ومساميه

عطر النبي بانفاسه + دشوف اعله الرمح راسة

6-
صارت تلعب العودان + بمجان المقبليه
لبوه من بني عدنان + فزة تصد عادية
وجنه اتفجر البركان + بت الاسد حاميه
ظل يتمطمط وسكران + ما يكدر يجاريه

يعط من الخمر كاسه + ويشوف اعله الرمح راسه

7-
وبعد بالشام اله احزان + والحره شيداويه
تلفح والشمس نيران + ستر مامش يغطيه
طبت مجلس الكفران + ابن هند ومعاويه
اخ شسوة الازمان + ابن اربع يحاجيه
وتصد تشوف حراسه + وتشوف اعله الرمح راسه

8-
بده يخطب علي الوجعان + وكيد بنحره ماذيه
تشهدوا رفعوا الاذان + شهد عظمه وكلما بيه
رادوا يسكت ابن الجان + يطعمه ويرويه
تناشد منهو بينه الخان + محمدكم البانيه

لو جدنه البنه ساسة + دشوفه اعله الرمح راسه

9-
تبرة سدة البيبان + وليومك مقفليه
هيه الكتبة الكتبان + شيعة علي وهاديه
مو يزيد الدفع اطنان + من فضة وذهب ليه
وحكم الري اله احسان + ابن سعدك صحابيه

واحسانك سبب باسة + دشوف اعله الرمح راسة