عجيبه تنذبح ظامي عجيبه + واختك للسبي راحت غريبه
تكله ناموا............... اولادك............. يحامي الجار
1-
عجيبه غربت وحدي رحت للشام
تكله سدرت خويـه بسبي الضلام
على تراب الكبر كعدت تكله تنام
تخليني هرش ضامي بعطش والالام
اجيت بحسره ونياحه بظعـن وايتام
دكوم وردني يـم اهـلي يبو الاكرام

اجينه من السبي وعندك لفينه + تدور اعله الكبر اختك حزينه
دمع تذرف ............... ولا تعرف ............... الك اعذار
تكله ناموا.................. اولادك............... يحامي الجار
2-
تـكله خـويه رديـنـه وجـبـت لـلـراس
دكـوم ورجـع اوداجـك يبو النوماس
وامـشي وياي وديـني لـكـبـر عـبـاس
تحطله اجفوفه جدامي وتسلمه الطاس
اريده يـعـدل رجـابـي ابـو الاحـساس
ولـمن ارجـع يـنـزلـني تـشوفه الـنـاس

غريبه يانظر عيني غريبه + المحب يسمع ولا يجاوب حبيبه
كثر وني ............. سهد جفني ................ يشب بنار
تكله ناموا............... اولادك................ يحامي الجار
3-
جفيلي اعله النهر نايـم فـلا موجود
تعطل ما رجع لاخته بسبب عامود
يـكوم يـلـمــلـم عـياله ويـرد الزنود
لـون يـسـمع لفـت عنده وصية العود
يـهـز جـتـفـه ويشرعبلي ونرد اردود
ويـعـرف امـه تـنـطرني وتريده يعود

اجيته من السبي بظعن اليتامه + اريده يردني يم اهلي بسلامه
انكطع نحره ............. نزف دمه ............ الاخو النغار
تكله ناموا................. اولادك.............. يحامي الجار
4-
بعـد وحـده لـفـت عـنـده تـون وتنوح
تـكـله جـيـنـه يـم كـبـرك يبعد الروح
على صدرك غفه وليدي بنبل مذبوح
يدب جدمي وعله الغبره الولد مطروح
صفـت بالـكـلـب حـسره والم وجروح
مـذهـولـة عـقـل تـبـجي بدمع مسفوح

اريده يرضع وليدي اريده + واطلع نبلته الاذت وريده
سهم حامي .......... كضه ظامي ...... يبو الاحرار
تكله ناموا.............. اولادك......... يحامي الجار
5-
اويلي من لفت سكنه وحجت وياه
تكله هنانه ضربوني وسبوني هناه
عـمـنه اعـلـه الـنـهـر نايم ولا شفناه
وسـفـه خـيـبـه لـظني وكطع رجواه
مـشـيـنـه للـيـسـر نـنـظر سياط عداه
والـوالي الـشـمـر الـنـه عـكـب عيناه

سبوني تدري يابويه سبوني + عكب عينك على الهزل خذوني
وانا بدربي............... الك اربي ............وتدري شصار
تكله ناموا.............. اولادك................. يحامي الجار
6-
اجـيـت الـيـوم مـلـيـانـه الـم وهـمـوم
وهـاي عـيـالـك تـريـدك يـنـايـم كـوم
دشوف ام الطفل تنحب على المفطوم
تـريـد تـرضـعـه تـكـله اجـيت اليـوم
وبـذاك الـكـتــر وحـده تـون وتـحـوم
تـكلـه يـبـنـي يـلحـنـتـك قدر مـحـتـوم

يويلي ماشفت عرسك يويلي + مصابك خذم لجبدي ودليلي
وكت حنتك ............ كرب منك .......... زفافك صار
تكله ناموا............. اولادك.............. يحامي الجار

حيدر العذاري