طور حمزه


غربه وعيني ظل يهمل البيه + على زينب واخوته اوليه
صدك طايح العباس + وظل العمد بالراس

غربة وعيني ظل يهمل البيه

************
1
جاسم يبني جنت اتناغه وياك
تطير الروح بانفاسك وبسماك
ولو نزلت تحط بساحة هواك
وأصبر الكلب من تطلع بفركاك

تشم روحي المحبه + من عودك بغربه

تطيع لامرك ونهيك عليه + غربه وعيني ظل يهمل البيه

*************
2
جاسم يمه هذه اليوم يومك
وانه امك فنيت العمر دونك
حملني الوكت ظيمه وهمومك
يمه اخذ الكلب فدوه لعيونك

اخذ مني حياتي + واتمنه مماتي

انته المهجه وشما حاط بيه + غربه وعيني ظل يهمل البيه

*************
3
يبعد العين ولعين الزجيه
اقدمك بالصبر يبني هديه
عندي من الحسن عودك وصيه
اعجن حنتك بالغاضريه

اجت ساعة زفافك + واتيتم خلافك

تزفك يبني عدوانك بديه + غربه وعيني ظل يهمل البيه

**************
4
تقدم جاسم لعمه وتظاهر
انه ابن الحسن اوجدي حيدر
اريد الرخصه منك يبو الاكبر
شريان الصبر مني تفطر

مهر العرس نحري + منه دمايه تجري

واليوم الزلم يظهر حجيه + غربه وعيني ظل يهمل

********************
5
طر دهري الوكت بدل ايامي
ييمه والحسن ظاعة احلامي
حُكمة دنيتي تنذبح ظامي
ويم جثت الولِد توكف جدامي

يجاسم رد عليه + شوف شصار بيه

اعوفك علترب وامشي لسبيه + غربه وعيني ظل يهمل البيه
*******************
6
يمه العرس ليش اليوم عفته
يبعد العمر والشفته وعرفته
نحرك يلولي بحنتك عجنته
ولثوب العرس انته البسته

لبسته مفصل عليك + والله تحيرت بيك

جارت دنيتي وزادت رزيه + غربه وعيني ظل يهمل البيه

****************

7

اتمحن حكم دهري يجسام
العوج بالمحن وبضيم الايام
نيتنه بيسر ولديرة الشام
ماعدنه ولي ولا ظلت خيام

صدك تلهب علينه + ويساره ماخذينه

وزينب حايره وتصفج بديه + غربه وعيني ظل يهمل البيه

حيدر العذاري