يبني شوفتك حلوه ++ وانته للكلب سلوه
عكبك يبني ياجسام + مني خابت الاحلام
ما ظلت الي رجوه
1
يجاسم ياضوه عيني + يوليدي ورجه سنيني
امك غربت بالطف + وحدي الدهر ناسيني
مربع عيني شوفاتك + جلماتك تسليني
يعهد البيني وبينك + ابكربله شتراويني
لابس سيفك معزم + للحرايب متوزم
وانه مكبعه بالهم + وسفه العمر مايسوه
ما ظلت الي رجوه
2
ييمه لكبري رتك عوز + ذخر للشيب خليتك
ثرمت العمر بعتابك + نحت ايامه بثنيتك
صدك يزحف عليه البين + ولن بلساني راجيتك
تباريني ردت يبني + هذه يومك وجيتك
عمك ما اله ناصر + وصار البينه ما صاير
بينه حاطت العسكر + من كل صوب بالكوه
وماظلت الي رجوه
3
ييمه هذه من العود + سيف الحسن قدمته
وجدمي جاي الك يدبي + ودك الكلب بي خفته
يشبيب يروح امك + عرسك يبني ما شفته
يسعر كلبي بالعطاب + همومك ظلت تفته
وحده تلبسك ثيابك + وحده تحضر رجابك
على عرسك على خضابك + يمه ورمة الجلوه
وما ظلت الي رجوه
4
حدر يبني لعمك + وبيض وجهي جدامه
وصيه من الحسن عندي + البسنك هالعمامه
يمه وساعة الكونه + تطبر للخصم هامه
تحيلهن لدينك زين + توذر لحمته خذامه
راح لعمه يتوسل + رخصة حرب يتامل
لمه رجعه بلا حل + بيه هيج طبع خوه
ما ظلت الي رجوه
5
ابو اليمه شبح بالعين + وتذكر خوة المسموم
المشكر ابو النوماس + يلعوج حاطته الهموم
سكف البيت من يهبد + حيطانه تظل تحوم
فز القاسم وكله + ذخر من الحسن لليوم
سيف الحسن بيميني + ادافع عن ولي ديني
وامي الي توصيني + وجمر الكلب يتلوه
وما ظلت الي رجوه
6-
اخذ رخصته من حسين + وصال بحومة الميدان
جندل كلمن اليطلع + صال وما ترك فرسان
نزل علنعل يربط ليه + وجته ضربة العدوان
سلاما مني هاك الصوت + وانته للفخرعنوان

لفاه بساع ابو اليمه + وزيد بالكلب همه
بحاله مادرت امه + وهوه اله نبع شلوه

حيدر العذاري