موضوع منقول من منتديات فن الإبداع ( عبداللطيف الفضلي )

إعتذار لك أيها النخل . . فلم أشأ أن أعرض هذا العمل وقد وعدتك .. بذلك .... لكن هو حنين دجله للفرات . .... تعلمه جيدا . ..


: : : : ((( مساء الموت. .. يا ريٍس ))) : : : :

مساء الدم يا رَيِِّس

مساء القتل يا رَيس
مساء الموت.....

أشعلت الشمع بأرواحنا لعيدك

طفَت أرواح طفولتنا ..مدارسنا... كراريس وكراسي المدرسة وأقلام
تنويحه أهالينا...

قبل لا ندخل الطابور..ونكهة خبزنا التنور
وأناشيد الطفولة ,,تصير زوايا المدرسة وأجراس

طفت بغدادنا الجنة .... طفت بغدادنا الجنة

طفت يا سيدي واهو ظل بشر ما طفتها ريحك؟
عراقيين ..

عراقيين وصرنا بلا قصد .. أغراب

على برد الرصيف إنام
غطا آآه .. غطا آلام
مواجعنا .. مواجعنا تحت أقدام
تلملمنا مكانيس الفقر والجوع وتهدينا لاقرب ريح
عراقيين ..

عراقيين..عرى ولا شي بقى غير الأسى والظيم يسترنا
وصرنا أوراق وصرنا فراق.. صرنا بلا حضن وأشواق

وتنويحة أهالينا
قبل لا ندخل الطابور

وهذا فراق
وهذا العراق

شلون ما ندري
اهوه بالضبط مثل طعم البكا فينا

بينچ انتي يا غرفه وبين أحضان أهالينا
لكن كانت أحضان الأهالي تمد عيون ليدينا
على اقرب صدر نرمي بكانا

وبعدها ننسى .. ننسى أجراس المدارس والحصص والجوع

و قطعني من الملل من چنت أشوف أمي ..
وهي تخبر رجوع لذاكرة عيني
وبعدها ناظري يرجع علي والبس عيوني

وأشوف الوالد يصلي .. وأنا العب على شعرة ....على صدره
بسجوده كان يتأخر من ركوعه
أي مو چنت أنا أوقف دايم إقباله واهوه يصلي
ألِم سجادته وامشي
تردها أمي
يا يمه لييش بعثرتي اللعب وياه ؟؟
يا يمه لييش بعثرتي اللعب وياه ؟؟
يا يمه لييش بعثرتي اللعب وياه ؟؟
على سجادته الباقية يحز بخاطري قربة
يحز بخاطري للان

وأنا ... وأنا أتقلب يا يمه بجدره الغرفة

مو إحنا فراق
مو يعني عراق
من أول چان قلتيلي
فراق عراق .. عراق فراق

مساء الموت ياريس . ..

مو انت بكل سنة تهدي بيوت الشعب في عيدك
ابد .. ابد ما اهديتنا مرة هدية عيد ميلادك
تساوينا بهدية عيد ميلادك
هَدِيَتنا .. تجي بتابوت

شفت شلون ..

شفت شلون أشعلت الشمع بأرواحنا والموت
تصدق .. تصدق حتى لهجتنا نستنا من تشردنا
مواحنا ما نسيناها . . .

مو صرنا بلا ملامح لا وطن بلسانه يحچينا

ونخلنا ..
ونخلنا هو نسى لو بعد للحين يذكرنا ويبچينا ؟؟
في يوم .. بيوم الچان چنه چان يطعمنا
في يوم الچان چنه چان يهززنا
ابد.. ابد من قال يهززنا
مو چنه إحنا نهزة في سوالفنا
ويرمينا برطب من چان شموخه من شهامتنا
شفت شلون....
شفت شلون يا نخل الحزن شلون تذكرنا وتبچينا

بعكس ما سوى ريسنا
في عيده بكل سنة ....
يشعل شمع فينا ...
ويطفينا

شفت شلون.... يا نخل الحزن تذكرنا وتبجينا



كلمات القصيدة للشاعر ... سالم سيار