عظم الله أجورنا وأجوركم في مصاب سيدنا ومولانا علي السجاد

هذه قصيدة في حقه عليه السلام كي نواسي بها صاحب العصر والزمان اللهم عجل له الفرج.........عسى أن تلقى قبوله عليه السلام.





جينا عالميعاد=ياعلي السجاد
بمصيبتك تنعاد=يوم الكنت منقاد
ياعلي السجاد
****

هالليلة اجينا لك=نجري لك دمع مسفوح
كنه ما كفاك الهم=بمصاب الأهل مجروح
لنهم وبغدر سموك=خلونا نحن ونوح
ومصابك بقى النا=شاخص بالعرش واللوح
لاتظن ننساه=كبدك الشفناه
والهم عليك اعتاد=يوم الكنت منقاد
ياعلي السجاد
****
لن واحد من الشيعة=كان اويانه وتكلم
يصرخ ياعلي الحالة=حالة هم حزن معلم
كل يوم ونشوف امصاب=من راح النبي الأعلم
وشلون اوتريدونه=نصبر عالشدد والهم
نصبر ابهاليوم=والكبد مسموم
حزن الطفوف انعاد=يوم الكنت منقاد
ياعلي السجاد
****
لن جاوب رفيع الجاه=ويحاكي قليل الشان
لكن من طبايعهم=كل سائل اليه امكان
يامن هل دمع عينك=هذا اللي ابد ماكان
يخطر بالعقل لكن=أمره من اله الجان
نرتضي بمرة=وانا من نوره
من خيرة العباد=يوم الكنت منقاد
ياعلي السجاد
****
هل دمعي يشيعة هناك=لمن عاينت حاله
شفته بالدمع يجري=ما أدري الحزن جاله
ماننسى الجرى بالطف=ولا لحظة شرد باله
وبكبده يجود الهم=ماينسى الهظم ناله
مانسى الاجساد=عالترب اعداد
عن الحرم من ذاد؟=يوم الكنت منقاد
ياعلي السجاد
****
وجريت الدمع بالهم=كن غيث البدا ينزل
لمن للسبي يذكر=نسوان وحرم عزل
وبفوق الهزل كانوا=والشامت غدى يسبل
عينه والبنات العز=يشتم والدمع يهمل
والدمع لن صار=من ذكرنا اشصار
مثل المطر يزداد=يوم الكنت منقاد
ياعلي السجاد
****

لن كل هذا مايكفي=أذكر لك بعد موقف
من حلت وفاته اليوم=حسيت بألم يرجف
وبساعة دفن جسمه=شفنا لكل أثر بالطف
أغلال وحديد انشوف=من دم الجسد ينزف
وذكرت الاجيال=كل بقايا الحال
وقوم الثمود وعاد=يوم الكنت منقاد
ياعلي السجاد
****

الروحاني
2003