طور جديد سوف احاول تسجيله



لفت بالروس العقيله + طبت لطف كربله
كوم يا جابر استقبل + بت علي عقد الوله
والمدامع هامله
____
1-
كله ابن عوفي يجابر+ كوم اجه ظعن الرسول
هذه امامك والسبايه + وصلن ابنات البتول
كام حافي يعدي ليهم + اجـرك الله يـــكول
كله ياعمي حبيبك + داسته اطراف الخيول

غدة جثته اموذره + واندفن تحت الثره
الظعينه ميسره + والحرم متسلسه
والمدامع هامله
__________
2-
كله ياجابر شسولف + علهضم واللي جره
سهم المثلث بجبده + وغدة زينب حايره
الخيمه بالنار اتلاهب + والاطفال مطشره
بالعطش نسوان ظلت + اوكع سبع الكنطره

كطعوا يساره ويمينه + والسهم نابت بعينه
ظلت تناطره سكينه + والظعن تالي انوله
والمدامع هامله
_______
3-
تنشد العباس وينه + سدر لصوب النهر
تلكه فوك الشاطي نوخ + نام علضفه الكمر
انطبر بالعامود راسه + مخه بالحومه انتشر
والسهم بالجود طايح + وزند منعنده انبتر

حسين راح اودعه + سال منه مدمعه
ولمن راد يرجعه + رفض رمز المرجله
والمدامع هامله
_________
4-
بيدي واريت الاحبه + عليه هليت الدمع
اجمع الاوصال بيدي + ويلي يا كسرالضلع
انظر لجفه ولكيته + منه خنصر منطكع
والرضيع بنبلة شفته + من دفنته بهل الوضع

عودي راده اعله الصدر+ ريته يخلص هلعمر
ولا شفت سوط الشمر+ يلعب اعله العايله
والمدامع هامله
____________
5-
عمي يا جابر هضمنه + ما حصل بهل السمه
روس فوك ارماح صعدت + والاجساد مقسمه
بنات طه ابين اجانب + تركض بحر وظمه
صرنه ياجابر خوارج + وال اميه المسلمه

لاستر لاهيبه ظلت + روس من الشام ردت
والذي علكبر وكعت + تصيح جنت مدلله
والمدامع هامله
_______

حيدر العذاري