عكيلي



جنه بعز وصرنه يساره

جنة بعزة ثوب الاخضر
ولطه انمثل والكوثر
دولاب بهل الدنيه ويفتر
افتر وبانت كل اسراره

جنه بعز وصرنه يساره

بانت واتكشرت انيابه
يوم الحيدر حركوا بابه
ولمن طبروه ابمحرابه
باعتنه الكوفه الغداره

جنه بعز وصرنه يساره

غدرتنه الكوفه وما نصفت
نكرت العهود وما حفظت
رهط حسين الالهم طلبت
عافته بنص جيش وغاره

جنه بعز وصرنه يساره

جيش يزيد الحايط بينه
ذبحنه وكطع والينه
رعب وارهاب مراوينه
والخدر ظلت محتاره

جنه بعز وصرنه يساره

محتاره وراحت علهزل
بلا جيدوم بصوب المحمل
والشمر وياهه وما يقبل
سوط بجفه ويطلب ثاره

جنه بعز وصرنه يساره

ثاره بكل يوم وما ينسه
من اصحاب الثوب الخمسه
ثوب الذل اليوم البسه
والعزة تصير لفجاره

جنه بعز وصرنه يساره

فجاره الكامت تهدينه
واهل الشام تصد علينه
بغير الاسلام تسمينه
يتبختر هوه واشراره

جنه بعز وصرنه يساره

اشراره ويخطب علمنبر
يتلاسن ويسب بت حيدر
يذكر اشياخه ويتفاخر
يضرب للراس بنص داره

جنه بعز وصرنه يساره

داره وبت حسين الفزت
تطلب للراس وما هجعت
راوه الطشت ومن شافت
فغرة والكلب تشب ناره

جنه بعز وصرنه يساره

شبت نار بكلب الحره
جبنه الراس اليوم لكبره
وايتامه التسجب بالعبره
كل يوم اجشم انصاره

جنه بعز وصرنه يساره

حيدر العذاري