طور جديد بس نسيته معذرة


كوم ردني + كوم ردني طاح شيال العلم
كوم ردني + كوم ردني الليله كل ولدك خذم
كوم ردني للوطن + لا تخليني بمحن
كوم ردني ما فرد منهم سلم
____
1-
تكله بويه + وكفت اعله التله صاحت ياعلي
تكله بويه + غسلت سلمان بيدك يلولي
طاح اخويه + من بعد عزه بناتك تنولي
طاح اخويه + طاح اخويه ولا ولي عافوا اللي

كوم واكصد كربله + روعوا هلعايله
لملم الايتام واجمعلي الحرم
____
2-
الزهره امي + وانه زينب لو نسيت وما تجي
اشكثره همي + بالغرب ظليت كلي شترتجي
سال دمي + سال دمي وبعد ميفيد الحجي
سال دمي + سال دمي وعيني حمره من البجي

بعد ما ينفع عتاب + يلتسمعون الخطاب
عتاب كلبي من الظمه وجور وظلم
____
3-
ضاع امله + ضاع امله وجنه حيدر ماسمع
محد اله + محد اله غير عباس الفزع
يلم شمله + يلم شمله وما يرده بي طبع
تدري كله + تدري كله اويا اجت لمن طلع

تكله وفاي الوعد + موش انته الصمد
اختك انه خدري بيدك ياشهم
___
4-
ما لفاهه + ما لفاهه وايست من الكمر
ما اجاهه + ما اجاهه وشبحت تشوف الشمر
من دناهه + من دناهه سدرت بثوب الصبر
واعتلاهه + واعتلاهه اسنان راس بن البدر

حسين علرمح ارتفع + والكلب منه انفجع
لطمت اعله الراس بالظيم والم
___
5-
ويلي يمه + ويلي يمه صاحت بحركة كلب
ويلي يمه + ويلي يمه حسين شيبه مختضب
ويلي يمه + ويلي يمه ودخلت ساحات حرب
ويلي يمه + ويلي يمه والخدر مني انسلب

يمه ضيعت الدلال + يمين عباس وشمال
علشريعه عينه طفاهه السهم
____

حيدر العذاري