جنه بعز وصرنه يساره

جنة بعزة ثوب الاخضر
ولطه انمثل والكوثر
دولاب بهل الدنيه ويفتر
افتر وبانت كل اسراره


بانت واتكشرت انيابه
يوم الحيدر حركوا بابه
ولمن طبروه ابمحرابه
باعتنه الكوفه الغداره


غدرتنه الكوفه وما نصفت
نكرت العهود وما حفظت
رهط حسين الالهم طلبت
عافته بنص جيش وغاره


جيش يزيد الحايط بينه
ذبحنه وكطع والينه
رعب وارهاب مراوينه
والخدر ظلت محتاره


محتاره وراحت علهزل
بلا جيدوم بصوب المحمل
والشمر وياهه وما يقبل
سوط بجفه ويطلب ثاره


ثاره بكل يوم وما ينسه
من اصحاب الثوب الخمسه
ثوب الذل اليوم البسه
والعزة تصير لفجاره


فجاره الكامت تهدينه
واهل الشام تصد علينه
بغير الاسلام تسمينه
يتبختر هوه واشراره


اشراره ويخطب علمنبر
يتلاسن ويسب بت حيدر
يذكر اشياخه ويتفاخر
يضرب للراس بنص داره


داره وبت حسين الفزت
تطلب للراس وما هجعت
راوه الطشت ومن شافت
فغرة والكلب تشب ناره


شبت نار بكلب الحره
جبنه الراس اليوم لكبره
وايتامه التسجب بالعبره
كل يوم اجشم انصاره

حيدر العذاري