رساله الى كل لطام

ليلة امس ليلة امس + رديت والونه همس
1
دنيه وتلفلف بالرحه
ما بالخلك كل مستحه
والناس باعة بالحى
تسعيرة اللحيه بفلس

2
وعمامه شدت هلخلك
المريوف عدهم منفتك
شبشبه بالضحوه زلك
والكشر بالظلمه يخنس

3
بالظلمه لبدت تنتظر
غيرته من طبع الغدر
وعليه من طر الفجر
تلحس الشارب بي تعس

4
تلحس الشارب جرته
لا عرفته ولا فهمته
لبست عمامه وجبته
علمنبر اتبيع بدبس

5
صعدت المنبر نادتك
ياشيعي هاي مصيبتك
تلطم وتطبر هامتك
بالوسط دويره وردس

6
والردس لو ماتعرفه
ممجربه ولا شايفه
اكمز شويه ورجفه
وحده والنص اعله الطمس

7
وحده والنص ورد تك
والمستهل بي صيحتك
والعزه يقوه بشدتك
وهناك خلينه الركس

8
يوم الركص عد فاطمه؟؟
مو حاضره اهل السمه!!
فايض امامك بالدمه!!
تنفت الاحجار وتحس

9
تنفت الاحجار بخجل
من تسمع بيوم السبل
يوم الحسين اويه الطفل
بالكاع يذبل كل غرس

10
هذه الغرس مالك صفه
وتجيب انته وتعلفه
من جنه يم صافي صفه
هم جنه ناكل بالجبس؟

حيدر العذاري