طور حمزة الصغير الله يرحمه
من نشاءة الروح بيك التزمنه

يا مشعل النور + بارض الولايه
يا ظلع مكسور + من البدايه
يا مشعل بداية نارك من الباب
عبد الله من محسن اله الاسباب
ومصابك يدور + وبلا نهايه
يا ظلع مكسور من البدايه
_________
1-
اجيت ونار بانفاسي + اشمن عطرك بلهفه
لاصوت الحبيب اسمع + ولا نار الكلب تطفه
مشيت بعثرة اجدامي + حبيبك جاي وتعرفه
جـابـر مـن لـفـاك الـيـوم + شـلـون بكبر تتخفه

جاك وكصد ليك + يبن الزجيه
ويــدور عــليك + بالـــــغاضريه
بيوم الاربعين الخبر منه الروايه
يا ظلع مكسور + من البدايه
_________
2-
اويلي من لفت زينب + كـعـدت تـنـثـر التربان
طاحت علضريح تصيح + ويلي الاهل والخوان
يخويه اجينه من الشام + دكوم وردنه للاوطان
اخوك اعله النهر نايم + ظــل بـخطـة الـمـيـدان

بكتر الشريعه + كالولي نايم
جفوفه كطيعه + بدر الهواشم
والعين طفاهه السهم ماعنده رايه
ياظلع مكسور + من البدايه
________
3-
شسولـف عمي جابر + على الصار وسده علينه
الاحـبـال بـرجـل وبـايـد + مـن طــاحوا ضـرب بـينه
يـسـبـونـه ويـشـتـمـونـه + وصـار الـشـمـر والــيــنــه
وبـصـوب الـشريعه الحـيد + كـالـولـي انـطـفت عينه

والعمد بالراس + طابر الهامه
والشمر وياي + امشي جدامه
سنيت وبطف كربله للصبر ايه
يا ظلع مكسور + من البدايه

__________
4-
يــجـابر حركوا خيـامي + بـيـه شـبـت الــنــيـران
هم سامع طفل مفطوم + بنبله ومنذبح عطشان
الاكـبـر نـايـم وجـاسم + وبـالبـر طـشت النـسوان
و لا واحــد الـيـحـمـيـه + كـلـه مـطـرحـه الـولـيـان

ما عندي وليان + كلهم رميه
صـبـت الاحـزان + كلهن عليه
والصبر منعندي جزع سلم الرايه
ياظلع مكسور + من البدايه

__________
5-
يـجـابـر غـربـتـنـي سـنـيـن + علي شنت حرب الايام
رمـح دهـري عـلـيـه يـمـيـل + بكلبي نشبت السهام
راس حــسـيـن جـدامــي + شماته ويسر بارض الشام
يــتـبـخـتــر عــلــيـه يــزيــد + يـشـوف الروس والايتام

وخرابت الشام + ساحة حربه
دارت الايام + عليه بغربه
واليسر رافع رايته اله حمايه
ياظلع مكسور + من البدايه

حيدر العذاري