طور عباس يعيوني




يـحـسـيـن يـلـوالـي + رديـت بـعـيـالـي
كوم انظر لحالي
ياخويه ضيعت الخدر
___________
1- عتله من عينك غفت
نيران شبوهه + الخيام حركوهه
وجثتك يسحكوهه
والسهم نابت بالصدر
يـحـسـيـن يـلـوالـي + رديـت بـعـيـالـي
كوم انظر لحالي
_________
2- ياخويه من راح الظعن
علهزل رجبونه + راسك يراونه
عداكم يشتمونه
والحادي بالناكه الشمر
يـحـسـيـن يـلـوالـي + رديـت بـعـيـالـي
كوم انظر لحالي
__________
3- وابنات حيدر من مشن
السياط تتلاعب + وشلون من اركب
ضعنك لمن غرب
وجفيلي نايم علنهر
يـحـسـيـن يـلـوالـي + رديـت بـعـيـالـي
كوم انظر لحالي
_____________
4- ياخويه للكوفه نطب
النكرة رسايله + والدمعه تهمله
كلي شنكلله
الكوفه بدله الغدر
يـحـسـيـن يـلـوالـي + رديـت بـعـيـالـي
كوم انظر لحالي
___________
5- شفافك القبله النبي
صاروا يضربوهه + عيلتك يهدوهه
اطفالك يجتفوهه
وسياط بيهم تستمر
يـحـسـيـن يـلـوالـي + رديـت بـعـيـالـي
كوم انظر لحالي
___________
6- للشام رحنه بهل الوضع
بالكفر وصفونه + كاموا يسبونه
بخرابه ذبونه
والطفله ماتت علنحر
يـحـسـيـن يـلـوالـي + رديـت بـعـيـالـي
كوم انظر لحالي
___________
7- هند الاميره من اجت
تنشدني عن حسين + فاض الدمع بالعين
انطي الوجه لا وين
شنطيه عنك يا خبر
يـحـسـيـن يـلـوالـي + رديـت بـعـيـالـي
كوم انظر لحالي
___________
8- واليوم اجيت امن اليسر
ولكيتك بكبرك + مذبوح من نحرك
من رضوا لصدرك
جم ظلع منك منكسر
يـحـسـيـن يـلـوالـي + رديـت بـعـيـالـي
كوم انظر لحالي
___________
9- ياخويه هذه بمحملي
جيت وجبت للراس + دليني علعباس
هضمتني هاي الناس
تسالني جا وين الكمر
يـحـسـيـن يـلـوالـي + رديـت بـعـيـالـي
كوم انظر لحالي
___________
10- ام البنين الوصته
من طاحت يمينه + سهم المرد عينه
جي واعد سكينه
بالمشرعه نام البدر
يـحـسـيـن يـلـوالـي + رديـت بـعـيـالـي
كوم انظر لحالي
________
11- لو ردنه نرجع للوطن
منهو اليباريني + ويسكن ونيني
يحسين حاجيني
جا شلي بعدك بالعمر
يـحـسـيـن يـلـوالـي + رديـت بـعـيـالـي
كوم انظر لحالي
_________
12- من المدينه لو نشد
واحد يدك الباب + جم جرح جم مصاب
ما عندي كل جواب
يوكف ابابك ينتظر
يـحـسـيـن يـلـوالـي + رديـت بـعـيـالـي
كوم انظر لحالي
________
13- والدزة ويايه اربعه
من تصد لي العين + شخبره عن حسين
واخواني متوذرين
وعباس بالهامه انطبر
يـحـسـيـن يـلـوالـي + رديـت بـعـيـالـي
كوم انظر لحالي
__________
حيدر العذاري