تويت
اجيناكم يهلنه . تلگونه أبمحنه . تلگونه أبمحنه
***********
وصل ضعن ألنبوه الكربله اليوم . يشيل أبداخله أهموم . من عظم المصيبة من عظم المصيبة
عگب آ لآ مه وجروح الهجر ذاب . گلبه وطول الغياب . بي يسعر لهيبه من عظم المصيبة
مُحب متعني شايل جرح الافراگ . ويصب دمعته اشواگ . مشتاگ ألحبيبه من عظم المصيبة
عگب غيبه وصلنه . تلگونه أبمحنه . تلگونه أبمحنه
***********
عطاشه وعنده أمل نرويها العيون . منكم لا تبخلون . يا أهل ألكرامه يا أهل ألكرامه
علينه أتمر حزن ساعات الأيام . واللحظة بألف عام . للهايج غرامه يا أهل ألكرامه
أبطريج اللهفة نمشي والدرب نار .تسعر ليل وانهار . بجدام اليتامه يا أهل ألكرامه
واشد وأكثر حملنه . تلگونه أبمحنه . تلگونه أبمحنه
***********
اسم من بعد اسم بسماكم أنصيح . والدمعة دمه أتطيح . من جوف المحاجر من جوف المحاجر
بعد يهل ألوفه ما ضلّت أدموع . والهم بين الضلوع . اخذ شوف النواظر من جوف المحاجر
بينة الطعنه بلغت جوف الإحساس . گطعت حتى الأنفاس . تبني الدار باچر من جوف المحاجر
الدهر شتت شملنه . تلگونه أبمحنه . تلگونه أبمحنه
***********
رزايه امن السفر شفناها بالعين . عشنه آوياها كل حين . وجرعنه أمرها وجرعنه أمرها
حوادث بينه مرّت يهلي الاطياب . واحنه أبين الأجناب . نتحمل قهرها وجرعنه أمرها
ظلام الدنية صارت وأصبحت ليل . والهم ركّك الحيل . والروح أبصبرها وجرعنه أمرها
على الأصعب صبرنه . تلگونه أبمحنه . تلگونه أبمحنه
***********
طويلات الليالي وهاجس البال . منه أتغير الحال . مثل النار يلهب مثل النار يلهب
منهو إلي نذكره ومنهو ننساه . وآه اتودي للآه . وبكل ذكره ننحب مثل النار يلهب
مو هيّن علينه أوداع الاجواد . وتركناهم أجساد . بدماها أتخضّب مثل النار يلهب
على الفرگه انجبرنه . تلگونه أبمحنه . تلگونه أبمحنه
***********
رجعنه امن اليسر للطف والأرواح . تتحمّل بالاجراح . وتعيش بأملها وتعيش بأملها
انتلاگه ومن بعد هال غيبه وردود . شمل العايله أيعود . وترد الاهلها وتعيش بأملها
جبنه اويانه من جيناكم الروس . وبجمر الغظه أندوس . دنيانه وعللها وتعيش بأملها
عشاگه الكم رجعنه . تلگونه أبمحنه . تلگونه أبمحنه
***********
الخادم أبو إيمان المج راوي