تويت
اجت زينب تلگوها يمشايه
*************
اجت من اليسر بت علي مهضومه
على أجساد الأهل تنحني ما لومه
تناشد يا بو فاضل طبت ألحومه
أريدك ما أريد العلگمي ومايه
************
تلگوها بحزنكم شيعة ألزهرة
ترى زينب عمت من دمعة ألعبرة
بدمعكم وبلطمكم واسوا الحرة
اگصدوا الغاضريه بروح وفّايه
************
اجت جابت يتامه حسين وعياله
اجت تسحگ مرار الدرب وأهواله
غريبة وتلتفت والدمعة همّاله
اخوي حسين وينه وصاحب الرايه
************
توّن طول الدرب ما بطلت زينب
على الفگدتهم أبدم عاودت تنحب
تصد لگبور أهلها أبروح تتعذب
تصيح بصوت عالي ضعونكم هايه
************
ركض للطف اركضوا استقبلوا الخدّر
حده الحادي ابضعنهن للأهل سدّر
تنادي رمله جاسم ليلى يالاكبر
لچن زينب تعنّت لل امسنّايه
************
إلف راية العقيلة هاشم أخذوها
اكتبوا حسين بيها وحيل علّوها
رغم انف النواصب عالي شيلوها
يشاهدها العراق اولايه بولايه
************
باسم حيدر اهتفوا وكل أهل بيته
يخيب العاده حيدر حلمه وأمنيته
أبفخر الله خلقنه أنصار ذريته
عهد للقائم أبدم نوصل الغايه
************
الخادم أبو إيمان المج راوي
07801138315
07711208819
07801138315
07711208819
تعليق