تويت
يصاحب الزمان .. اقسم عليك أبتسعه
تذّل أبكل مكــان .. عمر والي يتبعـه
تطالبهم أبدمي .. وكسر أضلاع أُمي
*** *** *** ***
انه المحسن يمهدي وانه عمّـــك
أريد بجمر جرحي اليوم أحشمك
إلك عندي خبر وادري يهمّـــــك
يريد السفك دمّي سفك دمــــــــك
لان أمي الوديعة هيـــه أمــــــــك
لذا أصبح خصمنه اليوم خصمــك
عتيق وزمرته .. حقدهم بعده يسري
نبينه وعترته .. دماهم لسه تجري
عليهم صار همي .. وكسر أضلاع أُمي
*** *** *** ***
عليك اقسم يذخر ألهاشميـــــه
إذا شاء أو إذن رب ألبريــــه
ألعدي والتيمي وأولاد ألبغيــــه
علن منهم قصاص أتقص إليـّـه
أبرحم أمي وظهر غلهُم عليّـــه
تهشّم راسي وضلوع الزچيــــه
يا مُنقذ العبــــاد .. لون نورك تلالــــه
إلي أتنول المراد .. من زمرة ألضلاله
تصيح أبثار عمي .. وكسر أضلاع أُمي
*** *** *** ***
عليك أبموقف ألزهره البدايــة
العفيفة الطاهرة أم الولايـــة
عصرها الكافر وشر البرايـــة
وتدوّر عالستر صارت الآيـــة
إذا تطلع يشوفوها البغايــــه
وإذا تبقى تحف بيها للمنايـــــه
وديعـــــــــة طه بين .. نفاق وجاهليــــه
وانه أبجرحي أصيح .. اتركوا ألهاشميه
وعلى التربان جسمي .. وكسر أضلاع أُمي
*** *** *** ***
أبجرح حيدر أبونه وهامت الرأس
يمهدي ودم جبينه بغدر الارجـاس
أندبك وانته ابن حيدر النبــــــراس
تداويه أبطلعتك جرح الإحســــاس
أنادي أعليك وانه أشهگ بالأنفاس
علينه أتحالفت يا لمهدي اشر نـاس
علي حقه اغصبوه .. حثالات السقيفة
عگب ما بايعوه .. صبح رابع خليفـة
اخذ حقّك ينشمي .. وكسر أضلاع أُمي
*** *** *** ***
عليك ابچبد أبو محمد وسمـــــه
اخوي الحسن ذاك وسفك دمــه
تمزّق من سموم الغدر جسمــــه
وغده بذاك الطشت منثور لحمـه
عليك ابشهگته ولوعته وهمّـــــه
توّضّحها الحقيقة إلهاي ألاُمــــه
مثل ما حاربوه .. يا مهدي حاربونـي
بحقدهم سمموه .. وانه بنار أحرگوني
تشوّه حتى رسمي .. وكسر أضلاع أُمي
*** *** *** ***
بدموع حسين أحلفك يوم عاشــور
الغدة مثل الجمر بعيونه منثــــــور
يصد صوب الخيم والگلب مكسور
يشوف أعياله بين الظلم والجــــور
عليهم آل آميه صارت أتــــــــــدور
وشمر حشّم زمرته وحرگو الــدور
فتح باب العذاب .. عمر يوم الرزية
ذبح سيد الشباب .. شمر بالغاضريه
وگع مذبوح مدمي .. وكسر أضلاع أُمي
*** *** *** ***
أحشمك بأسم الأكبر واقسم أعليك
لون ادري القسم هذا يبچيـــــــــك
حرارة جرحه گلبك شالها أدريــك
واشد من هذا جرحه الهسه ياذيـك
يبو صالح أعذرني حگي احاچيك
تشب نيران گلبي وانه أتانيـــــــك
متا يبن الحسن .. تسر عين الينطرك
تشگ بطن الفتن .. علن ينعلن أمرك
عليك أدموع تهمي .. وكسر أضلاع أُمي
*** *** *** ***
عليك أبصاحب الراية وجبينــــه
وفضخ رأسه يمهدي وسهم عينه
عليك أبحيرته الواعد سكينـــــــه
وعليك أبرايته الرفت ألدينـــــــه
أبو فاضل شهم ضحّى أبيمينــــه
وتبعها ابيسرته ألحرصه علينــه
زعيم ألمشرعه .. وفه العترة محمد
چفوفه أمگطّعه .. اله الميدان يشهد
على العلگمي مرمي .. وكسر أضلاع أُمي
*** *** *** ***
عليك اقسم أبجسام وشبابــــــــه
ودمع أمه يمهدي ودم خضابـــه
أحلفك واعرف أيعذبك عذابــــه
برز يهتف رجع دامي بإيابـــــه
أمانه ابرگبتّك تحيي مصابــــــه
ألاهي أيعظم أجرك في ثوابــــه
إلك حين الظهور .. أضل انطر وأراقب
على الظالم تثور .. وأشاهدها العواقــب
وشوف بعيني خصمي .. وكسر أضلاع أُمي
*** *** *** ***
عليك بكل جرح وأعظم هالجروح
جرح طفل الحسين أليا خذ الـروح
يضّن الماي بألطف شربه مسموح
لچن روّى العطش دمّه المسفـــوح
يمهدي بيا ذنب عبد الله مذبــــــوح
نبال الموت صوبه صارت أتلــوح
حناه ظهر الحُسين .. يبو صالح رضيعه
مثل هجمة عمـر .. حنت ظهر الوديعــه
وانه المسمار سهمي .. وكسر أضلاع أُمي
*** *** *** ***
عليك أبزينب الحرة ويسرهــــا
عقيلة بني هاشم وأبگدّرهـــــــا
يجر بيها الشمر ويسب ذخرهـا
وبسوطه زجر حين ألنهرهـــــا
يمهدينه أبحبل خصمك يجرهــا
غصب للشام اخذ زينب جبرهـا
على أمواج الحتوف .. نشف دمع المحاجر
وألم يوم الطفــــوف .. اخذ شوف النواظــر
عليها إسهام يرمي .. وكسر أضلاع أُمي
*** *** *** ***
الخادم ابو ايمان المجراوي
07711208819
07801138315