تويت
أوصية الزچيه .. الحامي ألحميه
گبري يا علي أيصير . مخفي عالبريه
**********
من سجل ألزهره انقل ها لرواية
واكشف إسرار الحوادث والخفايه
مكمن العلة شنو وشنهو المزايه
أم حسن تخفي گبرها أعله البراية
نتبع أثرها .. نسمع خبرها
عنها تروي الأخبار . هاي القضية
**********
بالتواتر تروي قصتها الروايات
عن أمر واقع بدت تشرح المأساة
من بعد غيبة أبوها أتعيش الآهات
والجريمة لتنتظرها إلها علامات
جحدوا قدرها .. خانوا أمرها
حقها منها خصبوه . أبغى ألبغيه
***********
ورده في عمر الشباب وذبلوها
وحرمة الهادي محمد ما رعوها
بالفجور الطاهرة ألزهره رموها
حتى دار ألبيها تسكن حررگوها
وبعتبة الدار .. نشبوها للنار
يا محمد أتصيح . جاروا عليّه
***********
صاحت بحرگه يبويه صد عليهم
هجموا أعلينه بأمر من سامريهم
حرگوالبيت وحطب جمعوا بديهم
يا حبيب الله وكذوب أصبح وليهم
داسوها الأعتاب .. وبعصرت الباب
مني هشموا أضلوع . كلهن سويه
***********
بويه أول ظالم أبجراءة يسبّك
تندب الميت يجاوب من أندبك
دينه مو دينك ولا هو ربه ربك
مضى بدروب الظلال وعاف دربك
باعوا شرفهم .. نكروا عهدهم
أمنل سقيفة وتحوط . بينه الرزية
************
فدك أخذوها وخذوا كل ألورثته
حقي يا بويه أنغصب بالعين شفته
ما كروني وهالمكر منهم عرفته
جاهدتهم والعمر وأبني خسرته
قتلوا جنيني .. ضربوا جبيني
بويه واشگف السوط . بثنين أديّه
************
الخادم أبو إيمان المج راوي
