شِــنهي تالِــيتـﭺ يَدنيــانه العـَــجيبه
مِن مصيبه انتي أَخَذتيـنه المصــيبه
ولأن نِهوى حسين دَم ندفَع ضَريبه
***
شِـــنهي تــاليتـﭺ يَـدنيــــه مَادرينــه
اويَـانه ياأم الحِـيَـل دُومِـــﭺ ضِــنينه
ذُولَـه أتبَـاعِـﭺ حِلِـف صَـاروا علينه
وندري مِن دون البشَـر مِستـَهدفينه
لأن نتبـَـــع حيـدره حَامــي الحميـّـه
ونِعتِصم بالصَـفوه من نَسـل الزﭽيّه
وهاي حَالتـنه صفـَـت عِـدهُم غَريبه
***
القـَـتِل يادنيَـانه بينَــه اعلى الهويّه
الحَرب نَفس الحرب ضِد نفس القضيّه
امـن السَــقيفه للخِـــلافَه الداعشـيه
لَـن رَزيـّـة عُـمـر جَابَـت هالـــرزيّه
ذولـُـــه طِلّابـِـــﭺ يدنيـــه حَـاربونه
وبسـيُوف الغـَــدر لَجلـﭺ ﮔطـّــعونه
وجمـُــر غِـلهُـم يشـتِعل بينه لَـَـهيبه
***
صُوت يالدنيه يِصَل من عِدنه للـﮔوم
خـَـط ابن هِـند وعَلي مايجتمِــع يوم
ومايصِح الّا الصَحيح اوتُوصَل اعلُوم
ياهـُــو فـايز بالأخِير وياهُو مَنـدُوم
فشـَــل مَسـعَاهم قـَــديم وماتِـغـيـّــر
اشما يخطـّـط إلهُـم الشَـيطان الاكبَر
واليهـُــود التِرسِـم الخطـّـه المُريبه
***
شــنهي تالـِــيتـﭺ نِـﮔول وماجِـزَعنه
إحنه من حسـين اخَـَـذنه كِل طَـَـبعنه
أبد مانضعـَـف رغـُـم قَسـوَة وَضِعنه
والفِـتـَــن لا أبـَـد مَـتشتــّـت جَمِــعنه
التشـَـــــيّع جبـَــل شـَـــامِخ مايهـِــدّه
ريــح أصـفـَـر بالسَـفِـح مَر اوتِعَـدّه
أيـرِد ذَليــل الحَـاقِـد الحَسرَه نَصِـيبه
***
حسـين عِدنـه الكـُون كلّـه ومانِـبيعه
لَجـل مِـثلــﭺ آ يَـدنيـَـــتنه الوَضــيعه
ولو ضَريبة حبـّـه الاشلَاء القَـَـطِيعه
نِصــبر اونِـتهنـّــه بالجنـّـه الوسِيعه
نِفعِي رَبعـِﭺ آ يدنيـه ابسَاعة الضِيج
مِن حَليب الأم يِـرِدّ اويُوصَـل الريج
والفـرَج ذاك الوَكـت ياهـُو اليجـيبَـه
-------------------------------------------
خادم أهل البيت / لقمان البدران