إعـــــــلان

**الصحيفةالسجادية** · 19-04-2015, 10:41 AM

يا برلماني انت كلش قذر
وكلبك اسود مثل جعب الجدر

وبصريح العبارة انت حرامي
وكشفك وفضحك صار اهتمامي

ولا تكول اني صادق والتزامي
من ورة وعودك راحت احلامي

وانت واحد ما عندك كل دين
انتظر راح تكشفك السنين

وتلعنك كل الناس والملايين
وراح تتمرغ سمعتك للابد بالطين

واني لو احجي للصبح ما تسمع
لان ادري حتى لو سمعت ما ينفع

لان انت اكلت اطيب انواع الطعام
اللي شد اسنانك ولحمك والعظام

بس لا تروح بعيد ترة كلة مال حرام
ويجيك يوم وينتقم منك الله اعز انتقام

نعم لا ينفع الكلام مع القوم سوى سمعوا ام لم يسمعوا فبطونهم ملئت حرام ولعله تسمع بكل ادب يقال لك نعم عزيزي نحن مع حرية التعبير (و لا حول ولا قوة الا بالله العلي العظيم)

بقلم النابغة ابو العتاهية المعري

**الصحيفةالسجادية** · 19-04-2015, 11:14 AM

اني احبك ياسيد محمد الصدر
الله يلعن اللي قتلك بالغدر

وانت واحد كلش لطيف
طيب وشكلك ظريف

وانت واحد طاهر و شريف
رحت لربك نقي القلب ونظيف

وخليت وراك مؤلفات مفيدة
كتب بيها علوم وكلمات سديدة

الله يرحمك يا صحاب اخلاق حميدة
ويصلي قاتلك النار ويخلد فيها اعوام مديدة

بقلم النابغة ابو العتاهية المعري

**الصحيفةالسجادية** · 14-06-2015, 12:28 AM

قراننا فيه هدي العبادِ * فانشروه في انحاء البلادِ

سوف نحارب به الاعاديِ * ونقطع به يد التعدي والتماديِ

من غير رماح ولا هنادي * بل بفكر وقلم و اوراق تنادي

هو المنجي في يوم المعادِ * من نار شديدة تحرق الاكبادي

هو النور في ظلمة الفلاتِ * يهديك طريق الحق والرشادِ

فاتبعه يدخلك جنة رب العبادِ * خالداً فيها وهذا هو يوم السعادِ

فاقرا ما تسير ففيه راحة الرقادِ * تلوح لك بالافاق من بعيد بالودادِ

فاستغفر للكاتب اذا صار في الجدادِ * تاتيك مغفرة من الله الهادي

بقلم النابغة ابو العتاهية المعري

**الصحيفةالسجادية** · 15-10-2015, 11:04 AM

ايها الرسول روحي اليك تشتاق *** مالحيلة وقد حال بيننا الفراق

هل من طريق اليك فنلتقي *** لكي انال من فيض بركاتك فارتقي

اكتب اسمي في سجل الزائرين *** فالى متى ابقى في الحائرين

ايها الرسول نفسي باقية حزينة *** في سجن الظلمات رهينة

ارجوك دعنا نلتقي ساعة *** لعلي احصل ببركتك على الشفاعة

لا زلت اسير في طريق الضباب *** فمتى انهض من سكرة الشباب

ومتى ساكون في عالمي الجديد *** لا اريد احد فقط اريد ان اكون وحيد

ارجوك اقبلني عندك من العبيد*** وخذ بيدي نحو صراط العزيز الحميد

بقلم النابغة ابو العتاهية المعري

**الصحيفةالسجادية** · 19-10-2015, 04:05 AM

روحي انذبحت من سمعتك متت
انعميت وكمت ما اشوف وطحت

شلون خذلتك الناس وليش
معقولة ما طلع ينصرك ولا جيش

هيج الناس ما بيها واحد شريف
محد عندة غيرة ينصر الدين الحنيف

وشلون ابن النبي يموت مذبوح
ودمة بنص الصحراء يضل مسفوح

وشلون ابو فاضل ينضرب على راسة
تعالو نلطم ترى الدين انهدم من اساسة

امشي خلي نروح نكعد يم قبر النبي
نروح نخبره ترى بناتك راحن للشام سبي

اه خلوني اصرخ بعالي صوتي وينك يا علي
ترى كلبي صار كله هم واريدة ينجلي

اه اريد الطم بعد كلش اهواي
ولكم روحي راح تطلع من احشاي

شلون ابن الامير يطب على يزيد
امكبل ومضروب بالحديد

خلوني اموت لو اصيرن مجنون
شلون الناس ابن النبي تخون

اخبركم يالقاتلين المجرمين ترى ما تنجون
والنار هي مصيركم وبيها تنسحكون

اسمعني يا شريف صيح ولاتخاف
راية ابو علي احملها على الاكتاف

واضل خادم طول عمري للقضية
وما انسحب حتى لو شفت المنية

تربات علي اني واشعر بالفخر
وابقى اصرخ يا حسين لتالي الدهر

لا تظن اني راح ابطل واعوف حسين
وما اترك ولا اعوف العباس قطيع الكفين

هذا اني راح اضل للتالي
اتركوني وعوفوني بحالي

بقلم النابغة ابو العتاهية المعري

**الصحيفةالسجادية** · 09-12-2015, 11:47 AM

I have seen the life ** I have known the world

I,am not willing to dive ** I,am just too old

you are beautiful like a rose ** when I see you my spirit flows

you are sweet like a cake * * this is real love no fake

I wish your hands I could touch ** they are pretty to much

you are gorgeous like a beauty flower ** and that gives me unique power

let the world know that you are my love ** and that makes me so tough

I love them

so much

I wish they could feel the same way I feel about them

true and pure love come from the deep heart

I * L O V E * Y O U

written by me

**الصحيفةالسجادية** · 21-07-2016, 03:45 PM

شفتك مثل الجلب تنبح وقررت اهفك بقندرة

**
بس كلت لا خلي يولي ما اريد اصيرن مسخرة

**
و تضحك علي الناس وتكول صارت بي هسترة

**
ولك جنت اتجدي بالدول هسة صرت تدور مفخرة

**
ولك يا عفن من اصياحي ترى رح تطك الحنجرة

**
مو كافي جذب وكافي وعود وكافي جر جرة

**
ترى الناس كعدت على الحديد وردت ليورا

**
بطل جذب وتصريحات ترى ملينا من الثرثرة

**
و بوكاتك كلها مكشوفة وما تحتاج اي مكبرة

**
محد سلم منكم حتى الفقير اللي على الرصيف ابجمبرة

**
ولك يا تافه شوية باوع علي مو سويت بي مرمرة

**
ليش اني احترك بالحر وانت تخلصها سياحة بانقرة

**
كول هذا فقير شوية خلي انطيه واساعده وانصره

**
لكن انت خسيس ونذل وما وراك بس العفترة

------------------------------------------

بقلم النابغة ابو العتاهية المعري

**الصحيفةالسجادية** · 22-07-2016, 02:12 PM

ايه راحت ايام كبل وراحت ايام النخالة
واجاني العربنجي و طلع بالعراق اكبالة

**
بوك وحرمنة وسحت يكال هذا البهيمة
يومية خامط فلوسي وامسوي بيهن عزيمة

**
ولك يا وصخ اشوكت اتباوع على الشعب
مو كافي ملينا من الحروب وهلكنا التعب

**
لكن انت سرسري وماعندك اي غيرة
تافه ونذل من جيرة ابكصتك و بعد جيرة

**
ولك ما يدوم الحرام ودينا وتخلص ياصاح
وما الك توفيق وما الك بهاي الدنيا اي نجاح

بقلم النابغة ابو العتاهية المعري

**الصحيفةالسجادية** · 24-07-2016, 07:59 AM

عمي جيب دكتور وحطة بالحكومة
هذا مثقف و زين يعرف المعلومة

**
حجي مو عدنا اهواي ابمركز القيادة
واحنا من وراهم ما شفنا اي سعادة

**
ثاري الربع طلعوا كلهم حرامية
ومن وراهم ما حصلت بس اذية

**
لا تكلي دكتور ويعرف ويفتهم
هذا ثور وما عندة لا معرفة ولا علم

**
واعذرني يا حجي على هاي الكلمات
بس اني كلبي خلص من هاي الازمات

**
وهذولة بوك وحرمنة براسي خلصوها
ما عدهم خبرة والخزينة للحضيض وصلوها

**
يا حجي شحجي وشكلك مو روحي طفرت
وشافوني زوج وسوالفهم كلهن علية عبرت

**
واني يا حجي انتظر بس رحمة الله العظيم
ياخذ هذولة من يمي ويشمرهم بنار الجحيم

بقلم النابغة ابو العتاهية المعري

**الصحيفةالسجادية** · 05-08-2016, 12:26 PM

سار القطيع خلف الخروف يمعمعو

وقائدهم بصوتهم فرحان مسرور يتعتعو

***

سائر بهم نحو الهاوية وهم خلفه كالهمجو

مطي تحسبه اذا رايته من بعيد يجعجعو

**

غبي سفيه وارعن يحسب نفسه كانه بطلو

فناده عاقلاً من بعيد كفى مهزلة ايها السطلو

**

فانت احمق تسير الى الهاوية وفي مخك الخللو

قد اوردت الناس المهالك فصارت مصيبتهم جللو

**

حثالة انت وكلامك كانه مر كالعلقم او الحنظلو

والناس سئمت تسمع منك وقد اصابهم المللو

**

فاكمل الخروف طريقه ولم يسمع كان به الصممو

والقطيع يسير من وراءه والترابة خلفهم توعثولو

**

فبقيت بيني وبين نفسي سائح الفكر ادردمو

وبقي الخروف سروراً على القطيع يمسلتو

**

اعتقد فقط العراقي يفهم ما موجود

سطلو تعني سطل بالعراقي قليل الاستيعاب

تعثولو من يعثول بالعراقي ترك خلفه عجاج او تراب

ادردمو من يدردم بالعراقي يتكلم كثيراً

يمسلتو من يمسلت بالعراقي لا يعرف الكلام

بقلم النابغة ابو العتاهية المعري

**الصحيفةالسجادية** · 10-08-2016, 10:28 AM

اينكم يا قوم أين امة القران المجيد
أين اصحاب الليل و سورة الحديد
**
ان امتي قد ماتت منذ امد بعيد
وقلوبهم صارت جامدة كالجليد
**
صاحب القران العظيم مشرد طريد
والناس تلهث خلف الدف والاناشيد
**
قومي العرب اصاب افئدتهم الصديد
فما عادوا يبصرون الطريق الحميد
**
فقر مدقع عن الطريق بهم يحيد
وظالم يحكم و ياخذ منهم ما يريد
**
لقد كانت امة النبي من نوع فريد
و اليوم الى الصباح نائمة على التبريد
**
ايا حسرتي على امةً نست يوم الوعيد
واصبحت تنتظر في الاسواق ماهو جديد

بقلم النابغة ابو العتاهية المعري

**الروح الزينبية** · 10-08-2016, 11:43 AM

احسنتم
وسلمت يمناكم

**الصحيفةالسجادية** · 10-08-2016, 02:32 PM

مولاتي فد سؤال

شنو راي حضرتك بالشعر بشكل عام

؟

**الروح الزينبية** · 11-08-2016, 10:47 AM

المشاركة الأصلية بواسطة الصحيفةالسجادية

مولاتي فد سؤال

شنو راي حضرتك بالشعر بشكل عام

؟

احب الشعر
واشعر ان الشعر يوصل احساس ورساله يمكن الكلام العادي مايوصله

**الصحيفةالسجادية** · 14-08-2016, 10:21 AM

وقد قتلني الحزن والاسى
وقلبي على حرقة ونار انطوى

***
فهل الى لقاء او وصل من سبيل
فان دمعي على الخد لا زال يسيل

***
ذهبت احلامي بعيداً الى النجوم
لكنها ليست سوى خيال و رسوم

***
لا ادري ما افعل و كيف العمل
فقد صارت ايامي حزن وكسل

***
انك لا تعلم ما في قلبي من الم
فانا لا اشعر بحياتي كانها العدم

***
قد اصابني منذ زمن بعيد العطب
وحقك ارهقني هذا الفراق و النصب

***
انظر بدموع الى شمس الغروب
كاني عاشق ولهان او اسير حروب

***
ارى ان هذا الوجع الشديد سيطول
وبيني وبين ما اريد سوف يحول

***
لكن تعلقي بالفرد القيوم لا ينكسر
والخير منه ممدود و سوف ينحدر

***
اتركوني وحيداً وعني بعيداً فارحلوا
احب العزلة والبكاء والعويل المترحُ

***
ذروني اختنق بعبرات العذاب والاسى
اخلص نفسي من الذنوب فقلبي قد قسى

***

استغفر الله ياربي الف استغفر الله

بقلم النابغة ابو العتاهية المعري

إعـــــــلان

للاشتراك في (قناة العلم والإيمان): واتساب - يوتيوب

ديوان ابو حذيفة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين