OoOنصيحه قبل الزواج (للبنات فقطOoO
السلام عليكم ورحمه الله وبركاته


عزيزتي كيف تمشين زوجك على كيف كيفج ؟؟
***************************

1-في اول ليله زواج راويه العين الحمراء خليه يسكنك في أفخم فندق وأطلبي كل الاكل حتى لو ما بتاكلين بس سخافه من اول يوم خسريه طبعا بقولج انتي تامرين امر وهو وده يذبحك ... واذا طلبتي الاكل وجابه لك قولي انا ما احب هذا ابي شيء ثاني اتغلسي عليه ..

2-نصيحه لاتستحين ترى الحياء ما منه فايده بعدين يصير يستقوي عليج ..اذا قال كلمه ردي عليه بعشر.

3-الحين ني للسفر اذا سافرتي اشتري هدايا لاهلج كلهم فردا فردا لاتنسين احد وقولي هذا طبع عندنا. خليه يعرف انج بنت عز < ولو انك خرطي ..

4-خليه يجيب لك شغاله وسواق ولا تبينه يخليج تنفخين في هالبيت ؟؟ بعدين سيري السوق ودوري لين ماتقولين بس ..

5- فاتورة الموبايل اذا كان عندك موبايل سابقا حولي البريد عليه وسعي صدرك كلمي كل اللي تبين حتى لو اهلك اول شارطين عليك شروط انا الفاتوره ما تتعدى سعر معين انت ما عليك منه خليه تصك فوق الاف..<عشان تتصفقين ..

6- تدلعي عليه وقولي انا ما اعرف اطبخ تبي تاكل خل الشغاله تسوي ولا اييب من مطعم . وتدرين شو اخرتها < بياخذ الشغاله

7-اعزمي صديقاتك واهلج عندج دائما ومدي لهم سفره من هنى الين هناك وعلى حسابه .. لاترحمينه ابدا ترى الدلع ما ينفع .<بيتفل على وجهك عادي امسحيها بس اعزمي .

8- خليه يفتح لك حساب في البنك ويحط مصروف شهري خاص فيك ما تصرفين منه الا على نفسك المصروف لايقل عن 5000 حتى لو كنتي موظفه ...وسعي صدرج الدنيا فانيه

9- دائما الفي عليه كلام وقولي فلانه ماشاء الله على زوجها توه يايبلها ساعه الماس تجنن وعلانه يايبلها طقم وانا بعد ابي مثلهم <قايله لك بتصفقين ..

10- كل صيف خليه يسفرج قولي انا متعوده اسافر حتى لو ما قد طلعتي برا بلادج ..

11- لاتطيعينه شوري عليك <ابوك يالنصيحه .. ترى الرجال اذا شاف زوجته بس تقول سم لبيك ولا تم يتضايق هم يحبون شويه اكشن < حلوه اكشن ..

12-لاتخلينه يسهر برا البيت له يوم في الاسبوع فقط عشان تفتكين منه بعد ويستحسن انه يكون يوم الخميس والسهر لين وحده بالليل بس ..

13-ازعلي عليه اذا ما نفذ لك طلب ودموع التماسيح الله الله فيها تراها تفيد احياناً..

14- لاقد تمدحين وحده عنده بيتم يسألج عنها واذا قالج اشحال فلانه قوليله مب شغلك

وحطي صبوعج في عيونه تعرفين ما ينعطون ويه ..


# ملاحظه

= حطي النصائح حلقه في ذنيج ..

= لاتبتلشين اذا تطلقتي وتقولين اناالسبب لا يا اختي شوفي انت شو مسويه ..
الخوافه ارجوها لاتقرب هالنصائح .......!!!!!!!!!!!