تويت
الليله خطاري .. شرّفن داري
ام سلمّى وام البنين .. يسألن عن الحسين
*****************
الدارك اليله اعتنت اشرف نساء
عنك ايسالن يبويه بكربلاء
لا خبر منك اجاني ولا نداء
صارت ادموعي جوابي والبكاء
تغرگ اعيوني .. من يسالوني
ينكسر گلبي الحنين .. يسألن عن الحسين
*****************
عنك اتناشدني بويه ام الفحول
وانه محتاره شجاوب شرد اگول
مني رادت خبرعنك بس تنول
هيه تسال وانه دمعي ظل هطول
بويه كل نظره .. تنظر الحره
بعيني ما تبقالي عين .. يسألن عن الحسين
*****************
گالت افديله اربعتهم ضنوتي
وانه سالت عالجفن دم دمعتي
جده گلتلها اليعظم بلوتي
لا خبرعن والدي وعن اخوتي
نحنه وبچينه .. بكل محاچينه
وارتفع صوت الانين .. يسألن عن الحسين
*****************
گالت ام سلمى بدمعها يمه كون
من اشوفه تنگطع كل الضنون
عگلي فگد حسين خله بي جنون
والله كل الدنيه لترابه تهون
جمرة افراگه .. بينه حراگه
تستعر طول السنين .. يسألن عن الحسين
*****************
بيويه لام عباس وام سلمى سؤال
عايش بداخلي ضل وانسه محال
شني حال حسين گالن لا يزال
بديره غربه والضعن نسوه وعيال
بيويه هز روحي .. وعتله نوحي
منين اجت كربله منين .. يسألن عن الحسين
*****************
يمي گعدن والدمع من عيني ساح
وغيمة احزاني بدت تمطر نواح
كل دقيقه ولحظه اگولن مني راح
دنيه صارت ليل شيجيب الصباح
تسال احبابك .. طوّل اغيابك
بس خبر دليني وين .. يسألن عن الحسين
*****************
الشاعر ابو ايمان المجراوي
ام سلمّى وام البنين .. يسألن عن الحسين
*****************
الدارك اليله اعتنت اشرف نساء
عنك ايسالن يبويه بكربلاء
لا خبر منك اجاني ولا نداء
صارت ادموعي جوابي والبكاء
تغرگ اعيوني .. من يسالوني
ينكسر گلبي الحنين .. يسألن عن الحسين
*****************
عنك اتناشدني بويه ام الفحول
وانه محتاره شجاوب شرد اگول
مني رادت خبرعنك بس تنول
هيه تسال وانه دمعي ظل هطول
بويه كل نظره .. تنظر الحره
بعيني ما تبقالي عين .. يسألن عن الحسين
*****************
گالت افديله اربعتهم ضنوتي
وانه سالت عالجفن دم دمعتي
جده گلتلها اليعظم بلوتي
لا خبرعن والدي وعن اخوتي
نحنه وبچينه .. بكل محاچينه
وارتفع صوت الانين .. يسألن عن الحسين
*****************
گالت ام سلمى بدمعها يمه كون
من اشوفه تنگطع كل الضنون
عگلي فگد حسين خله بي جنون
والله كل الدنيه لترابه تهون
جمرة افراگه .. بينه حراگه
تستعر طول السنين .. يسألن عن الحسين
*****************
بيويه لام عباس وام سلمى سؤال
عايش بداخلي ضل وانسه محال
شني حال حسين گالن لا يزال
بديره غربه والضعن نسوه وعيال
بيويه هز روحي .. وعتله نوحي
منين اجت كربله منين .. يسألن عن الحسين
*****************
يمي گعدن والدمع من عيني ساح
وغيمة احزاني بدت تمطر نواح
كل دقيقه ولحظه اگولن مني راح
دنيه صارت ليل شيجيب الصباح
تسال احبابك .. طوّل اغيابك
بس خبر دليني وين .. يسألن عن الحسين
*****************
الشاعر ابو ايمان المجراوي
تعليق