تويت
الله معاكم هلي . عين تحرس لظعون
غير الدمع ما الي . لمن اليه ترجعون
غير الصبر . ما ظل عذر . لمن اليه ترجعون
*******************
لربي على ارسوم الظعن لما يروح
عن عيني وتظل الصور بس بالروح
يا حسرتي ابگلبي مثل مركب نوح
تبحر على ادموعي ومرافئها جروح
كلما رست يم جرح . تفتح صحيفة ذكراي
وهمومي صارت صرح . توأم نوى يعيش اوياي
وانه انتظر . ما ظل عذر . لمن اليه ترجعون
*******************
شاء الله ادري وسلّمت بالتقدير
تسليمه يوسف من سكن داخل بير
لاچ ردت من المشو بس تذكير
لو بس رساله اخذ خبر بلّي يصير
بيا ديره بات الظعن . وبيا سوالف يحچون
يردون لارض الوطن . احبابي لو ميردون
يا رب ستر . ما ظل عذر . لمن اليه ترجعون
*******************
توحشني لمتهم اذا يلتمون
واتمنى وياهم لون ايگعدون
اصفن عليهم واستمع من يحچون
وبراسي اهز هزة رضا بدمع عيون
ما عندي منهم خبر . ظليت اجاري الامال
مو حتى گلبي انفطر . چم دوب اظل بهالحال
ضاگ الصدر . ما ظل عذر . لمن اليه ترجعون
*******************
وحشه وغديت اتگابل ويالجدران
همي وحنيني اتسابگن بالوجدان
كل ساعه هام الغرفه گلبي الولهان
يحسين اصيحن ويه صوت الاذان
تاخذني النينوى . صفنه ويصحيني الباب
لمن يحركه الهوى . وبظني رجعو لحباب
طحت ابعسر . ما ظل عذر . لمن اليه ترجعون
*******************
ما غمضت عيني وسكن روعي بحين
ليلي اليمر عنها شهد يا لطيبين
ويه النجوم اتلازمت عين وعين
تنظر صوركم بالسمه بويه حسين
بكل نجمه اشوفن رسم . اذكر وجوه آل البيت
انسى الحزن وابتسم . وبحلمي اظلّن يا ريت
ظاع العمر . ما ظل عذر . لمن اليه ترجعون
*******************
لو عمري افنيه بدمع لو تنعاد
جمعتنا يا اهل الوفه وناكل زاد
لنذر نذر لمن تعود الاسياد
بابي لحنيه ولغيض الحساد
تغمرني لحظة فرح . يصعب وصفها بچلمات
وبگلبي احس انشرح . واطوي سجل الاهات
كافي الهجر . ما ظل عذر . لمن اليه ترجعون
*******************
الشاعر ابو ايمان المجراوي
غير الدمع ما الي . لمن اليه ترجعون
غير الصبر . ما ظل عذر . لمن اليه ترجعون
*******************
لربي على ارسوم الظعن لما يروح
عن عيني وتظل الصور بس بالروح
يا حسرتي ابگلبي مثل مركب نوح
تبحر على ادموعي ومرافئها جروح
كلما رست يم جرح . تفتح صحيفة ذكراي
وهمومي صارت صرح . توأم نوى يعيش اوياي
وانه انتظر . ما ظل عذر . لمن اليه ترجعون
*******************
شاء الله ادري وسلّمت بالتقدير
تسليمه يوسف من سكن داخل بير
لاچ ردت من المشو بس تذكير
لو بس رساله اخذ خبر بلّي يصير
بيا ديره بات الظعن . وبيا سوالف يحچون
يردون لارض الوطن . احبابي لو ميردون
يا رب ستر . ما ظل عذر . لمن اليه ترجعون
*******************
توحشني لمتهم اذا يلتمون
واتمنى وياهم لون ايگعدون
اصفن عليهم واستمع من يحچون
وبراسي اهز هزة رضا بدمع عيون
ما عندي منهم خبر . ظليت اجاري الامال
مو حتى گلبي انفطر . چم دوب اظل بهالحال
ضاگ الصدر . ما ظل عذر . لمن اليه ترجعون
*******************
وحشه وغديت اتگابل ويالجدران
همي وحنيني اتسابگن بالوجدان
كل ساعه هام الغرفه گلبي الولهان
يحسين اصيحن ويه صوت الاذان
تاخذني النينوى . صفنه ويصحيني الباب
لمن يحركه الهوى . وبظني رجعو لحباب
طحت ابعسر . ما ظل عذر . لمن اليه ترجعون
*******************
ما غمضت عيني وسكن روعي بحين
ليلي اليمر عنها شهد يا لطيبين
ويه النجوم اتلازمت عين وعين
تنظر صوركم بالسمه بويه حسين
بكل نجمه اشوفن رسم . اذكر وجوه آل البيت
انسى الحزن وابتسم . وبحلمي اظلّن يا ريت
ظاع العمر . ما ظل عذر . لمن اليه ترجعون
*******************
لو عمري افنيه بدمع لو تنعاد
جمعتنا يا اهل الوفه وناكل زاد
لنذر نذر لمن تعود الاسياد
بابي لحنيه ولغيض الحساد
تغمرني لحظة فرح . يصعب وصفها بچلمات
وبگلبي احس انشرح . واطوي سجل الاهات
كافي الهجر . ما ظل عذر . لمن اليه ترجعون
*******************
الشاعر ابو ايمان المجراوي