إعـــــــلان

**بنت كربلاء** · 06-05-2003, 01:14 AM

اولا اتظاهر بمعرفتي لها يمكن بكلمه مني ولا مناك اتذكرها

**بنت المسلم** · 06-05-2003, 01:16 AM

بنت كربلا وإذا الذاكره ميح شتسوين ...

**النور المهدي** · 06-05-2003, 01:31 AM

اللهم صلي على محمد وآل محمد

هلا خيووووووووو بنت مسلم

اوووووووووووو حصلت معاي واجد وعلى طول تحصل معاي لاني من نوع اللي ينسى واجد بس اسوي روحي اعرف الاسم واقول ليهم هلا هلا خيوووووووووووووو علشان لا انصاد

**بنت المسلم** · 06-05-2003, 01:35 AM

هلا نو المهدي ..
تصدقين انها صارتلي لا المشكله اذا وحده صارت لزقه وعطتج الرقم لا وتصلي طبعا منعا للاحراج ما اتصل ...

**نور على نور** · 06-05-2003, 01:36 AM

واني بعد مثلش اختي النور المهدي...اقول جدي حتى ما انصاد ...

لكن بعد انصاد ...بيه وتصير الفشيله...

وش يفكنا عاد بعدين ...وخصوصا اذا اصرت عليك الا تتذكرين اني من ؟.

والله موقف محرج ...

**بنت المسلم** · 06-05-2003, 01:46 AM

سويت عادي نقشي اي اسم انتي وحظج بس انا اقولج من خبره يعني مو اي كلام ...
طبعا بعد السلام لا تقوليلها انتي منو لا كثري من السلام و البتسامات و اذا قالتلج عرفتيني سوي روحج طرشه وماتسمعين ...

**النور المهدي** · 06-05-2003, 02:08 AM

اللهم صلي على محمد وآل محمد

الرسالة الأصلية كتبت بواسطة بنت المسلم
سويت عادي نقشي اي اسم انتي وحظج بس انا اقولج من خبره يعني مو اي كلام ...
طبعا بعد السلام لا تقوليلها انتي منو لا كثري من السلام و البتسامات و اذا قالتلج عرفتيني سوي روحج طرشه وماتسمعين ...

هلا خيوووووووووو سويت هي فشله فشله بس مثل ما قالت بنت مسلم نسوي روحنا طرشان وما نسمع .

والله نغير الموضوع وهذي لعبتنا احنا البنات كل

حين نجيب ليها موضوع غير لين ما تروح وبعدين نمسح العرق اللي في وجهنا من الفشله .

ونقول بعدين ما بغت تروح طلعت روحنا على ما نست موضوع الاسم

**صادوه** · 06-05-2003, 06:19 AM

اللهم صلي على النبي واله

عاد بنت المسلم سأليه منو تكون عادي

**الأكرف** · 06-05-2003, 06:21 AM

سلام عليكم

أول ماأشوفه أسلم عليه وأسوي ويهي .......>>

أقوله والله ما تذكرتك منو معاي ..الحين راح يسير ويه أهو ...>

ويقول شسمه وأتذكر وانتهينا

أو

أسلم عليه عادي وضحك وشلونك وشخبارك ..ومن هالكلام ومن يحاول يسأل تذكرتني أقوله يله خل نشوفك مره ثانية مع السلامة وانحش

شكرا لك أختي بنت المسلم

**عاشقة حسن نصرالله** · 06-05-2003, 07:39 AM

بسم الله الرحمن الرحيم

السلام عليكم ورحمة الله وبركاته

بصراحة الموضوع يفشل ، بس بالنسبة إلي والحمد لله ذاكرتي حديد - اللهم صلى على النبي وآله الاطهار - يعني ما راح تواجهني مشكلة بإذن الله تعالى ، وفي اسوأ الاحتمالات رايحه اقول لها شكلك متغير وما عرفتك اسمحيلي ، ويا دار ما دخلك شر.

مع تحياتي.

**loulou** · 06-05-2003, 08:10 AM

السلام عليكم

يا سلام على الذاكرة لما تخون صاحبها .. بيكون في موقف بااااااااااايخ

في هادا الموقف ، ما اسلم عليها الا لما اخليها تذكرني فيها 100%

و يا اتذكر أو لأ

حسب كل واحد و عقليته هههههههه

**فدك البتول** · 06-05-2003, 01:29 PM

انا في البداية احاول اتذكر و اذا ما تذكر

احاول استجمع شجاعتي اذا كان عندي شجاعة اصلا و اسألها عن اسمها ................

و غالبا انا اتذكر الوجوه بس الاسامي لأ

فدك

**عاشقة 14 قمرا** · 06-05-2003, 05:53 PM

سلام الله عليكم شيعة موالين

صراحة فشله الموقف عجييب وصارت معاي كذا مرة خاصة انه الواحد شكله يتغير مع العمر علشان جذي اذا اهي تعرفني وسلمت علي بسلم عليها وابتسم بويهها واقول لها من حضرتج عفوا ما عرفتج واذا قالت لي منو اهي وعرفتها خير وبركه اذا ماعرفتها بعد بقول لها اعذريني ما تذكر وعموما فرصة سعيدة

**وردة** · 06-05-2003, 07:54 PM

اختي بنت مسلم..مثل هلالمواقف تصير وايد ولكل واحد
انا راح اقولش شنو تسوين ....... طبعا اول ما تشوفش وتسلم عليج سلمي عليها وابتسمي معاها وكأنش مذكرته وقولي لها (اهلا اشلونج فاطمة وطبعا اهي مو اسمها فاطمة بس سوي روحج اتعرفينها وبعدين بتقولج لا انا مو اسمي فاطمة انا اسمي زينب ...طبعا انتي في الحاله بتقولين لها اووووووو مسامحة نسيت اسمج وبهالطريقة راح تعرفين اسمها.

إعـــــــلان

للاشتراك في (قناة العلم والإيمان): واتساب - يوتيوب

********************

********************

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

اقرأ في منتديات يا حسين