تويت
منالباب للمحراب خطواتك نبضاتي
منالباب للمحراب كل قصة مأساتي
هاي أخر لحظات .. كلشي إخلافك مات
*************
انه بكل خطوه تخطيها اصيحن اه
وگول بنفسي يا زينب صعب فرگاه
لون يسمح لي محبوبي أروح آوياه
لان لو ما رجع بيش التهي وأنساه
والموت كون الموت يأخذني وما عوفه
والموت كون الموت للعين المتشـــــوفه
شتفيد الصفنات .. كلشي إخلافك مات
*************
فده الجدمك أروحن انتظر لحظه
أريد ابشوفتك يا بالحسن أحظـــه
تراها الدنيه بعيوني غدت ومضه
ورمش عيني بعد يا بويه شيغمظه
وياك كون آوياك يمسافر تاخذنــــــــــي
وياك كون آوياك لا تتركني ألحزنــــــي
خل تجري الدمعات .. كلشي إخلافك مات
*************
أريد أعيوني بعيونك أخليهــــــا
وأريد أنفاسي من عطرك أمليها
أريد أبحضرتك روحي أواريها
أخذها ولا ترد اهناكه خليهــــــا
يا روحي منتروح تتبخر أحلامــــــــــي
يا روحي منتروح ظلمه أتصير أيامـــــي
شهگات وحسرات .. كلشي إخلافك مات
*************
مرامي البين اجتني وهشمّت صدري
من حين النويت أعله السفر تـــــدري
فديت بنفسي روحك بويه وبعمـــــري
إذا عينك تغمض ينسلب خــــــــــدري
والدنيه إبلا ريب كل همها اتبچينـــــــــــي
والدنيه إبلا ريب تصبح جمره بعينـــــــــي
وتخلص مأساة .. كلشي إخلافك مات
*************
قصص إحزاني بدموعي أدونهـــا
بصحيفة عيني وگبالي اشو فنهــــا
تحن روحي على أحبابي وفر منها
بسهر ليلي وألم گلبي أهوونهــــــا
ما بين بويه وبين شهگه أتكسر أضلوعي
ما بين بويه وبين جمرة نار أدموعـــــــي
ما ترجع هيهات .. كلشي إخلافك مات
*************
الشاعر أبو إيمان المجراوي
منالباب للمحراب كل قصة مأساتي
هاي أخر لحظات .. كلشي إخلافك مات
*************
انه بكل خطوه تخطيها اصيحن اه
وگول بنفسي يا زينب صعب فرگاه
لون يسمح لي محبوبي أروح آوياه
لان لو ما رجع بيش التهي وأنساه
والموت كون الموت يأخذني وما عوفه
والموت كون الموت للعين المتشـــــوفه
شتفيد الصفنات .. كلشي إخلافك مات
*************
فده الجدمك أروحن انتظر لحظه
أريد ابشوفتك يا بالحسن أحظـــه
تراها الدنيه بعيوني غدت ومضه
ورمش عيني بعد يا بويه شيغمظه
وياك كون آوياك يمسافر تاخذنــــــــــي
وياك كون آوياك لا تتركني ألحزنــــــي
خل تجري الدمعات .. كلشي إخلافك مات
*************
أريد أعيوني بعيونك أخليهــــــا
وأريد أنفاسي من عطرك أمليها
أريد أبحضرتك روحي أواريها
أخذها ولا ترد اهناكه خليهــــــا
يا روحي منتروح تتبخر أحلامــــــــــي
يا روحي منتروح ظلمه أتصير أيامـــــي
شهگات وحسرات .. كلشي إخلافك مات
*************
مرامي البين اجتني وهشمّت صدري
من حين النويت أعله السفر تـــــدري
فديت بنفسي روحك بويه وبعمـــــري
إذا عينك تغمض ينسلب خــــــــــدري
والدنيه إبلا ريب كل همها اتبچينـــــــــــي
والدنيه إبلا ريب تصبح جمره بعينـــــــــي
وتخلص مأساة .. كلشي إخلافك مات
*************
قصص إحزاني بدموعي أدونهـــا
بصحيفة عيني وگبالي اشو فنهــــا
تحن روحي على أحبابي وفر منها
بسهر ليلي وألم گلبي أهوونهــــــا
ما بين بويه وبين شهگه أتكسر أضلوعي
ما بين بويه وبين جمرة نار أدموعـــــــي
ما ترجع هيهات .. كلشي إخلافك مات
*************
الشاعر أبو إيمان المجراوي