المحافظة على الوردة الرابعة (( راحة القلب ))

مااقول ان في احد في هالدنيا قلبه مرتاح بس مو معناته انه يقعد حاط ايده على خده لا لازم عليه انه يواجه مشاكله والي اصيده ومايتهرب لان في النهاية بيوصل الى طريق مسدود وبعدين مابيقدر احل مشكلة سهلة الجاهل احلها وعليه انه اواجه المصاعب بكل عزم وثبات وقوة وارادة تكسر وتفتت الصخر وتصهر الحديد واهم شي تركو عنكم التفكير والتمسك بالدنيا لانها سبب في تعب القلوب جميعا والاهم من هذا كله لا تخشون في قلبكم اي شي كلش والله بتتعذبون طلعو كل شي في قلبكم او اي شي شاغل بالكم على شان تقدرون تخلون قلبكم مرتاح وتقدرون تسوون كل شي بثقة وعدم التراجع والخوف في خوض اي مشروع او تجربة او اي شي من امور الحياة وعلى الله فليتوكل المؤمنون

· ابتعدو كل البعد عن الاشياء المتعبة والمضيقة للنفس والقلب واتركو التفكير الزائد والضغزطات النفسية على جانب
· توكلو على الله فأنه ماخاب من توكل على الله وانه لا يضبع اجر من احسن عملا والي بيفشل في الدنيا ترى هو في الاخرة ناجح
· واجهو المصاعب والمشاكل والضغوطات بكل ثقة واصرار

الوردة الخامسة (( سلامتك ))

تدرون شلون تحافظون على سلامتكم وصحتكم وانكم اتكونون بعافية وسلامة ؟؟؟؟؟؟ انا اقول ليكم اذا قدرتون انكم تحافظون على الوردات الاربع بتقدرون انكم تحافظون على سلامتكم وبتقدرون تعيشون براحة وسلامة وحياة هانئة واذا سقطت وردة من الوردات الاربع مابتقدرون تحافظون على سلامتكم فحاولو وبكل ماتقدرون المحافظة على الورود الاربع على شان تقدرون تحصلون على الوردة الخامسة واذا طاحت او ماتت وردة من الوردات خلاص الوردة الخامسة مابتقدرون تحصلونها فسوو الي عليكم والباقي على الله .

ملاحظة هامة :

من الملاحظ من الكلام في كل وردة انه متشابه يعني ان كل وردة مرتبطة بالثانية وان كل وردة من الوردات تكمل او تحتاج الى الوردة الثانية فحافظو على الوردة الاولى لكي تنمو الوردة الثانية وتستطيع الوردة الثالثة ان تحيا وتزرع جذورها في الارض ولكي تنزرع الوردة الرابعة ومن هذه الورود الى الوردة الخامسة التي تحافظ عليهم وتراعيهم وتربيهم فلا غنى عن وردة من الوردات لان كل وردة مكملة لللاخرى .

بعض التوضيح :

بقول شلون كل وردة مرتبطة بالثانية وشلون ان اذ طاحت وردة خلاص كل الورود اطيحون :

اولا لازم على الواحد انه احافظ على صحته وعافيته وبالخصوص الصحة النفسية واذا قدرتون تحافظون عليهم سوف تحصلون على العفة والكرامة والشرف بتصير اليكم من خلال صحتش النفسية وعدم التفكير والتوجه الى الله بكون ليكم شرف وعزة وكرامة والكل بيحترمكم وبقدركم وبجذيه بتفوزون براحة البال والعيشة الهنيئة الامنة من كل شر وضر انشالله ومن هذه الاشياء من صحة نفسية وراحة البال وحصولكم على الكرامة والشرف والعزة وتكوين الشخصية القوية والمحترمة ستؤدي كل هذه الاشياء التي حصلتم عليها الى راحة القلب والتفائل بالخير دائما انشالله والرضاء بالقدر وبكتبة الله واذا حصلتون صحتكم النفسية وكرامتكم وراحة بالكم وراحة قلبكم فبتظفرون بسلامتكم وصحتكم الجسمية انشالله (( شفتو شلون ان كل وردة مرتبطة ومتوقفة على الثانية ))

الخاتمة :

الي اقوله ليكم انكم تلتفتون الى روحكم زييييييييييييييييييييييييييين وتنتبهون الى مستقبلكم والى دراستكم عدل ترى ماحد في هالدنيا بينفعكم ولا احد بيعطيكم الي تبونه اوالي تسعون اله غير شيئين في هالدنيا بفيدونكم وبكونون مثل السلاح تحاربون بهم الزمن وطغيانه الا وهما المستقبل المشرق الذي اتمناه لكم انشالله والشهادة المستقبلية فبواسطة هالشيئين بتقدرون انكم تحافضون على روحكم وتحافضونن على مستقبلكم وتضمنون حياتكم الي جاية بعدين .

نصيجة حاولو انكم تنتبهون الى الي تماشونهم وتختارون الي تحسون انكم بتحصليون من وراه منفعة مو يعني تتمصلحون منه لا اقصد انكم تقدرون تستفيدون منه ولا اضركم بتصرفاته او انها تسبب ليكم المشاكل او تجلب ليكم الشبه فحاولو انكم تختارون الصديق الحسن والي اخلاقه عالية واليك يافتاة اختاري الديقة التي ترفع الراس على شان تقدرون تستفيدون منه احسن من واحد اضر ويوقع الواحد في مشاكل مالها اول ولا اخر او انها تشوه سمعتكم بمجرد انكم تمشون وياه حتى لو ماتسوون الي هو اسويه بتتشوه سمعتكم بيتكلمون عليكم الناس بقولون هذا يمشي ويا واحد خراب واكيد هو نفسه هذا الي بقولونه اليكم وبحاولون اشوهون سمعتكم تحملي من هالنقطة اخواني واخواتي الاعزاء وراجعو نفس من جديد ولا تندمون على اي شي صار ليكم من قبل فكرو في الي جاي ومو عيب الواحد بغلط لان الواحد يتعلم من الغلط ويتعلم انه مرة ثانية ماسوي جذيه ولا يوقع في نفس الخطأ العيب انه يستمر في غلط ولا احاول انه اصحح الخطأ الي سواه فنصيحة انا خايف عليكم تحملو من الي تماشونهم وشوفوهم زينين او لا لان بتتاثرون بهم وانتو ماتدرون وخصوصا هالمرحلة خطييييييييييييييييييييييييييييرة عدل اذا ماحطيتون بالكم على روحكم ترى مرة وحدة بضيعون فففكرو في الكلام وافتحو صفحة جديدة وانسو الي راح واغسلو قلبكم من الهموم والبلاوي والضغوطات الي مريتون بها والله كريم انشالله

ترى في هالزمن الناس صارت مثل الوحوش ماحد الى احد ماحد اهمه الا نفسه بس كل واحد يبي مصلحته ومستعد ان الولد يقتل ابوه والاخ اخون اخوه والصديق يستغل صديقة بس على حساب المصلحة الشخصية لا تغركم المظاهر ولا تغركم الطيبة لان مومهم ان الواحد اكون مظهره حلو وكلامه عسل انه اقول انه طيب وبسوي كل شي لا هذا كله بس كلام لان ورى هالكلام شي خببييييييييييييييييييييث ورى هالكلام افعال سوده ونجسة الي ابي اقوله ان لا تحكمون على الناس من مظهرهم لان المظهر مو كافي مو مهم المظهر المهم الجوهر مومهم الانسان من بره المهم هو من داخل مومهم المظهر الخارجي المهم المظهر الداخلي مومهم كلامه وحلاوته ورقة مشيته وحلاوة ملابسه المهم قلبه لان الناس قلوبهم سودة من داخل وبيضة من بره فلا تغركم كل هالاشياء ونصيحة انتو اختبرو اصدقائكم وشوفوهم صج احبونكم او بس مصلحة وانتو وشطارتكم وبأسلوبكم بتعرفونهم ونصيحة مني لا تصيرون طيبين واجد لان الطيب ماله نصيب الا عند ربه اتسوون خير اجازونكم بشر مااقول ليكم انكم تصيرون شريين لا كل شي بحدود واذا زاد الشي عن حده انقلب ضده واتقو شر من احسنتم اليه ممكن اقرب الاقرباء اجازونكم بشر اتحملو ولاتوثقون في الناس ولا تعطونهم الثقة الزايدة لان في النهاية بتنقلب عليكم الثقة الي منحتونها اياهم وبيستغلونكم في اغراضهم الخاصة ومصالحهم الشخصية هذ معناة ((اتقي شر من احسنت اليه)).



الواحد في هالدنيا مثل ماقلت اليكم في البداية صعب انه احصل الي يبيه لكن مو معناته انه يستسلم واقول خلاص انا ماقدر لالالالالالالالالالالالالالا عليه انه اجاهد واسوي المستحيل على شان يقدر انه يحقق الي في باله والي عليكم انكم تسوون الي عليكم والباقي على الله الله بوفق ليكم وبيعطيكم على قد نيتكم ولكل مجتهد نصيب ولا تفكرون في شي صعب المنال او فوق طاقتكم او مستحيل انكم تحصلونه فكرو في اشياء تقدرون عليها وتقدرون انكم تحققونها مثل التفكير في المستقبل والتفكير في اشياء قصيرة المدة وبجذيه بتقدرون تحققين الي تبونه وبتقدرون انكم تحققون اهدافكم في الحياة واحذركم ثم احذركم ثم احذركم ابتعدو عن التفكيرالسيئ والي اخليكم تتعبون واخلي نفسيتكم تعبانه واخليكم على طول متمللين ولا اليكم خلق احد فالي اقوله اليكم انكم تفكرون في مستقبلكم زين وتخططون الى الي جاي خطوة بخطوة وخلو في نهاية التخطيط او في نهاية الطريق هدف على شان تقدرون توصلون وتعرفون انتو ليش اجاهدون وعلى شنو اجاهدون مافي واحد يمشي او اعيش او يدرس ويتعب بدون هدف فحاولو انكم تتخيلون الحياة وتتخيلون الوصول الى الهدف مثل اللعبة وفي النهاية توصلون الى القلعة او توصلون الى بر الامان وطبعا بتصيدكم مطبات وحفر ومشاكل لكن في النهاية بتوصلون بالعزيمة والاصرار والارادة القوية والتوكل على الله فوضوامركم الى الله وخلو كل شي على الله عليكم انكم تسوون الي انت تبونه والبركة على الله منك يا عبدي الحركة ومني البركة .

ابتعدو يا اخواني واخواتي عن شي اسمه حب في هذا السن ولا تفكرون فيه بالمرة لانه مدمر مثل الكيماوي قاتل يخنق الواحد شوي شوي وهو مو حاس فخلو الحب على جانب الحين وبقول شي حبيتون او ماحبيتون الي مكتوب اليكم بصير وماحد بياخذ غير نصيبه (( الكلام موجه الى البنت والصبي )) طلعت فوق او نزلتو تحت الي مكتوب اليكم تاخذونه بتاخذونه لو شنو تسوون فليش تعبون روحكم في هالخرابيط الي والله مافيها الا المشاكل والامراض الخبيثة ((الى البنت هالكلام الي جاي )) قعدي في البيت معززة مكرمة والي يبيش بجي يضرب الجرس ولا تصدقين كلام اي احد مو كل من قال احبش يعني صدق احبش لانه قال هالكلمة الى الف غيرش وبقولها الى مليون بعدش فخلي بالش من هالنقطة انا صبي واعرف هالحركات يبون اضيعون وقتهم وياكم انتوايالبنات ولين وصل الشاب الى سن الزواج خلاص اتركون الي كانو يلعبون عليهم ويتزوجون الي يبونهم ولا اهمهم البنت تحطمت او ماتت او اي شي صار ليها في الطقاق فخلش بعيييييييييييييييييييييييييييييييييييييييييييييييي يييييدة كلش عن هالسوالف وشي مهم هالكلام الش اذا كنت تحبين احد واذا ماكنت تحبين خيروبركة وخلش على مانت عليه واخذي الكلام كمعلومات عامة والحذر واجب والاحيتاط واجب .

الابتعاد عن الاغاني قدر الامكان

ترى الاغاني حرام مو كلامي كلام شيوخ كل الشيوخ حرموها وانا بقول ليكم كلامي ورائيي

ترى كل المغنيين ربع ابليس واعوانه واخوانه وهم اساهمون ويعملون تحت امرته في نشر الفساد عن طريق السمع او المشاهدة والمغني او المغنية ابليس ازين ليها العمل الي هي تسويه وفي نظرها مافوقه فوق لكنه حرام في حرام رجس من عمل الشيطان والمغنيين اولاد ابليس في صور الانس والي يسمعهم ويسمع وش اقولون يعني معناتها وياهم واصير شريكهم في الذنب لين يشتري شريط الى اي مغني او مغنيةهو قاعد اساهم في نشر اعمال ابليس واحاول انه ينشر اخر ماتوصلوا اليه اخوان الشياطين ويوم القيامة محاسبين والله مابقول ليكم شنو أخر اغنية نزلت الى كاظم ولا بشغلون ليكم فيدو كليب وبقولون ليكم شنو هالاغنية وشنو اسم المغني او بقولون ليكم غنو الينا اغنية الى مغني معين بالعكس بحاسبكم الله على كل حرف وكل كلمة سمعتونها او تتلفظون بها ويوم القيامة كل شي في جسمكم راح يشهد عليكم من راسكم الى ارجولكم لا مفر الا من اتى الله بقلب سليم يعني قلب نظيف ونية طيبة ماعنده سيئات انتو مو محتاجين انكم تسمعون مو ناقصنكم شي ولا بينفعونكم هالاغاني بالعكس بضرونكم دنيا واخرة في الدنيا ماراح تتوفقون لانكم اطاوعون وتسمعون عبدة الشيطان كأنما شرك بالله ولا بتشوفون غير التعاسة والفشل وعدم التوفيق وفي الاخرة عذاب اليم ولا تنسون ضغطة القبر فخلكم بعيدين عن الاغاني لانها ماتنفع بالمرة انا الي علي قلته والباقي على الله وعليكم اختارو الطريق الصحيح الي بوصلكم الى الجنة عندكم عقل وتفكرون وتعرفون تميزون بين الصح والغلط لا تخلون اعقلوكم ناقصة وتتجهون الى المسار الخاطئ اسلكو الطريق المناسب الي بدون حوادث ولا اي اضرار لا نفسية ولا جسمانية

في النهاية اتمنى لكم دوام التوفيق والنجاح انشالله من كل قلبي والله اوفقكم ويعطيكم الصحة والعافية انشالله وانا اسف اذا غلط في كلمة او في شي سامحوني من خوفي عليكم ولاني طيب واحب ليكم الخير وانا حاضر ليكم في اي شي

والسلام عليكم ورحمة الله وبركاته