السلام عليكم :

بدش في الموضوع على طول

مثلا مثلا مثلا :

اذا المرة بتشتغل من الساعة سبع الى الساعة وحدة انزين في هالوقت هاده من بيهتم بالبيت ومن بيطبخ ومن بربي اولادها اذا كان عندها اولاد واذا كانوا كبار من بقعدهم وبريقهم وبجهزهم الى المدرسة هل ان ابوهم راح اسوي جذيه؟؟؟؟؟؟؟ابوهم يقعد ويتريق ويعطيهم بيزاتهم ويمشي شغله لان مو شغله انه اقعدهم واكلهم وهي تروح الشغل فشلون تقول انها بتشتغل وبتطبخ وبتربي وهي بتطلع من الساعة سبع الى الساعة وحدة معقولة تقص روحها نصين نص في البيت ونص في الشغل ؟؟؟؟؟؟
والي اقوله الش يامرة ان الزوج مايرتاح اذا مرته تشتغل مافي زوج مرته تشتغل هو مرتاح من عيشته او حالة الي هو فيه لا تشوفينه ساكت ومايتكلم لان خلاص مايقدر اقول شي مستسلم الى الامر الواقع لكن انا بقولش شي لا مو انا الدين والائمة والله سبحانه وتعالى يأمر بأن الزوجة تهتم بالزوج وتعطيه حقه وحق البيت وحق الاولاد تعطيه حقه من ناحية انها تهتم به وتطبخ اله وتتحمل به ........ وتعطيه حقه تجاه البيت انها تنظف البيت وتغسل ثيابه وثياب اولاده و.......... وتعطيه حقه تجاه اولاده انها تربيهم وتتحمل بهم وتربيهم التربية الصالحة الي الله ورسولة امر بها وفي المقابل هو بعد عليه حقوق وواجبات عليه انه اقوم بها عليه انه ادي حقه تجاه البيت وحقه تجاه الزوج وحقه تجاه الاولاد حقه تجاه البيت انه يصرف عليه واعدله واسوي فيه الي تبغيه زوجته او الي اشوفه مناسب والي تشوفه مرته مناسب وحقه تجاه الزوجة هو ان يعطيها الي تبيه ومايقصر وياها واعاملها معاملة حسنة و.......وحقه تجاه اولاده ان اراعيهم ويصرف عليهم وانه يلتفت اليهم واشوفهم هم ويا من اماشون ويا من اقعدون وين اروحون وين اجون ويربيهم على مبادىء واصول الدين فجذيه هو ادى واجبه تجاه الزوجة والزوجة ادت واجبها تجاهه وبكون الله راضي عليهم ثنينهم .............

اما الحين الي صاير شنو الي صاير الحين كله غلط في غلط الزوجة ماخذه مكان الزوج ماحد عارف دوره في الحياة الزوجية شنو المرة تشتغل وهو قاعد في البيت او اذا كان يشتغل اولاده مرميين على خادمة هذا جذيه زين الله يرضى بلي اصير الحين .......صدقيني والله حرام حرام حرام موقوفين بين يدي الله لانهم ماعرفوا حقوقهم تجاه بعض الله ماأمر الزوجة انها تطلع تشتغل ولا قال ليها روحي تعلمي سياقة وصيري انت والرجال واحد لا ترى كلهم الي اسوون جذيه محاسبين لان راحو وطلعوا من عندهم انهم يشتغلون وانهم بيبون اساعدون ازواجهم وفي المقابل البيت والزوج والاولاد مهمولين....... ليش جذيه عاد ليش مايقعدون ويعرفون ان الي اسوونه مو واجب عليهم واجب على الزوج ليش يبون ياخذون حقوق وواجب الزوج الزوج هو الي عليه النفقة وهو الي عليه يكدح ويتعب ماعليه اذا الزوجة تبي تساعد زوجها ماعليه خلها تساعده بس مو بالشغل تساعده في تربية اولاده وتبرز اله الاكل اجي تعبان اشوف غداه بارز انت ماتدرين اشقد الزوج يرتاح وينسى تعب يوم كامل وفوق هذا اشوف اولاده مربيين احسن تربية شنو يبغي الزوج احسن من هذا مو اجي من الشغل غداه ماستوى واولاده الخادمه هاملتنهم والبيت وصخ جذيه الزوج احس انه اعزوبي ومايحس انه مزوج واني انصحكم يا نسوا ويا بنات اسمعو كلامي وسوو الي الله ورسوله امر به وادو حقوقكم كاملة تجاه ازواجكم بدون زياااااااااااااااااااااااااادة ولا تقصير والله بتعيشون احسن عيشة والله بوفق اليكم في حياتكم الزوجية ولا تقولون بنشتغل لا هذا مو من صوبكم ولا هو واجب عليكم لا واحب وحق اليكم من ازواجكم انت يا مرة ويا بنت لش حق ان زوجش يشتغل ويصرف فليش انت تروحين واجيبين حقش الي المفروض زوجش هو الي اجيبه الش وانتين قاعده في بيتش ترى وللمرة (( الى مالانهاية )) شيلي فكرة الشغل من راسش والله احسن لش وعلى شان تستقرين وتعيشين حياة هنيئة .........

مساوىء الشغل :
اسمعي
اذا انت بتشغلين يعني لازم بتسوقين واذا سقتين تبين سيارة تروحين واجين بها وانا بقولش المساوىء :
اول شي من تطلعين من البيت وتمشين بالسيارة الناس كلهم مو طبع واحد فيهم الزين وفيهم الشين وانت مرة مستقيمة ماعندش سوالف مي زينة اتشوفينهم الي يتحجج يتحجج والي يضرب الش هرانه والي يلحق وراش والي اعارض لش واكيد انت ماتعطينهم وج لكن من داخل محترقه وعلى امبدش الي اصيري الش الحين مايصير الش مرة ثانية او مايصير الش بالمرة .......

من ناحية الي في الشغل ..... لا تقولين ان مابتتعرضين الى موقف في الشغل من زملاء العمل ان واحد بيتكلم وياش مثلا محتاج شي او يبيش في حاجة تخص الشغل وانت اكيد مابترفضين لان هذا شغل ولازم عليش انش تلتزمين به وهذا مو زين اولا اختلاط ويا ناس غرب عليش وهذا حرام وثاني شي زوجش لازم بغار عليش ومايبغي احد انه يتعرض لش او انه يتكلم وياش وحتى لو في حدود الشغل يبيش اله بروحه لان مو من حق اي واحد انه اشاركه حياته الزوجية او انه يتكلم وياش بأي حق اجي هذا الزميل ويتكلم وياش على حساب الشغل وهو في باله شي ثاني ليش اتعرضين روحش الى هالموقف تقعدين في البيت وتسوين الي عليش والباقي على زوجش واذا قصر عليش روحي بيت اهلش وقولي ليهم زوجي مقصر علي وخلي ابوش يتفاهم وياه واكيد بتتوصلون الى حل وبجذيه بتكونين محافظة على كرامتش وعزتش انها ماطيح ولا احد يجرء انه يمسها بشي

من ناحية الطريق :

مثلا لين انتي لا سمح الله تعطلت سيارتش في الطريق وماتعرفين تسوين شي واخذي عاد بعدين الي بيوقف الش سييييييييييييييد وش طوله والكلام البايخ والحركات البايخة الي اسويها لش بدل الخراب او اي شي اسويه في السيارة فليش انت تحطين روحش في هالموقف وانت في غنى عنه الزوج هو عليه انه اسوق ويشتغل ويصرف عليش وعلى البيت وعلى الاولاد .....يعني الله سبحانه وتعالى اعطى الرجل السلطة والقوامة لان يعرف مقدرة الرجل وعارف مقدرة المراة مو منيه والطريق لكن الحين الي صاير غير المرة تبي تصير رجال والرجال شوي شوي اصيرون نسوان
وفي النهاية انا نصحيتي الش يامرة ويا بنت واذا تبين ربش يرضى عنش ويرفعش مع عباده الصالحين والمخلصين اسمعي كلامي الي قلته الش وسوي الي الله امرش به بس لا تسوين شغل او واجب الرجال لانه هو الي عليه انه اسوي جذيه ......

نهاية الموضوع :

المرة الزم ماعليها كرامتها ولازم تحافظ عليها والله ان طاحت خلاص المرة اطيح شأنها وانت عارفه هالشي فلا اطيحين من قدرش ولا اطيحين كرامتش في الارض ..... ليش تعرضين نفسش الى مواقف محرجة في الطريق ومواقف سخيفة في الشغل من زملاء العمل ومواقف بايخة لين تعطلت سيارتش وانت في النهاية الي تسوينه مو شغلش من الاساس فليش اتخلين روحش عرضة الى الخطر والى الي يسوة والي مايسوة ......التفتي الى روحش وفكري في هالنقطة زين ........قعدي مع نفسش وقولي اي احسن اقعد في البيت واسوي الي الله امرني به ورسوله وديني الحنيف واهتم بزوجي وبيتي واولادي واعطيهم حقوقهم كاملة واخلي ربي وزوجي راضيين عني او اروح واسوي اشياء الله مايرضى بها ولا هي اصلا من شؤوني ولا هو اصلا فرض علي واوقع نفسي في مواقف زوجي اغار علي اني اكون فيها ويبين اله بروحه مايبي احد اكلمني لاني اني في النهاية مو محتاجة الى هالشي وان ربي ما بحاسبني لين قعدت ومارحت اشتغلت واختلط بالناس وصرت حجوة في حلقوهم والي يبي يمزح او يبي يتسلى يتسلى معاي ......ليش اخلي روحي في هالمواقف هذي ؟؟؟؟؟؟؟؟ شوفي ايهما افضل ؟؟؟؟؟؟

من ناحية الحنان :

اي احسن حنان الام او الاب؟؟؟؟؟؟؟ وثاني شي الام الي تولد او الاب؟؟؟؟؟؟ وثالث شي الولد اكثر شي يحتاج الى الاب او الام وخاصة اذا كان توه مولود؟؟؟؟؟؟ وتدرين ان الولد يحتاج الى حنان امه اكثر من اي حنان في الدنيا وان حنان الام مايعادل حنان (( الى ما لانهاية من الرجال )) والولد اذا مالقى امه من البداية ومالقى الي يتحمل به ويهتم به خلاص اضيع وينحرف وتخترب اخلاقه لان الاب مو كفاية انه هو بربي وهو بيشتغل مايقدر انت تربين وهو يشتغل جذيه توازنون حياتكم الزوجية وتصيرون متفاهمين ........وثاني شي انت تحسين اذا ماشتغلتين ان في شي ناقصنش ؟؟؟؟؟؟؟؟ او تحسين ان الله بيغضب عليش؟؟؟؟؟؟؟؟؟؟؟؟ بالعكس الله بيرضى عنش وبوفق لش لين ماشتغلتين واديتين واجبش الي الله امر به مو الي الناس طلعوا من عندهم تبين تصيرين نفسهم وتعرضين روحش الى مواقف مي زينه وماترضي ربش وتبين الله يغضب عليش روحي اشتغلي .......قدمي عقلش على عاطفتش وبتحصلين الجواب ان شغل زين او مو زين ؟؟؟؟؟؟؟؟؟


النهاية :

فكري يا مرة ويا بنت في كلامي عدل ودرسيه زين ولا تسرعين في اتخاذ القرار لاني مو شيخ ولا الكلام الي جبته عن طريق الدراسة الفقهية او ماشابه لا انا الي قلته كله تعلمته من الدنيا ومن الي شفته والي قاعد اشوفه لان حاسه بالوضع واشوف الواقع