بسم الله الرحمن الرحيم

قبل و بعد الزواج

قبل الزواج: الزوج زبون دايم في محلات بيع الورود.
بعد الزواج: يكره الورد واللي زرعه.

قبل الزواج: يكون الكلام طويل زي شعر المعلقات.
بعدالزواج: السكوت من ذهب، خير الكلام ما قل ودل.

قبل الزواج : تمشي وأيدك ف أيده فرحان وأنت بتدفع ثمن الجهاز والعفش.
بعد الزواج: تتكسر أيديك من فك و تنزيل الجهاز وعشان تبيعه مستعمل!

قبل الزواج: لو تطلبي لبن العصفور أجيبه يا حياتي.
بعد الزواج: لبن عصفور أيه؟ انتي هبله؟!!!

قبل الزواج: الزوج زي المرشح في الأنتخابات أخر أوبهة ووعود على ودنه.
بعد الزواج: سقط في الانتخابات وبيشحت عشان يسدد مصاريف الحملة الانتخابية.

قبل الزواج: المرأة آذان صاغية كلامك أوامر يا حبيبي.
بعد الزواج: لا اسمع لا أرى لا اتكلم.

قبل الزواج: أنا والعذاب وهواك.
بعد الزواج: أنا وحدي ف العذاب وأنتي السبب.

قبل الزواج: خطيبتك تطير من الفرح لو هديتها وردة.
بعد الزواج: ايه الكلام الفاضي ده؟ كنت هاتلينا ربطة فجل أفيد!

قبل الزواج: تتمناك تكون أجمل واحد ف الدنيا عشان تتباها بيك.
بعد الزواج: لو تطول تلبسك خيش عشان مفيش وحده تانيه تلهفك منها.

قبل الزواج: الزوجة تحافظ على قوامها ورشاقتها.
بعد الزواج: لازم تحافظ انت على نفسك لحسن تدوسك وهي ماشية (بقت تريللا)

قبل الزواج: تسمعك الزوجة بأهتمام وتركيز ف كل حرف.
بعد الزواج :تسمعك إجباري وأنت نايم (عشان فرقة حسب الله اللي انت عاملها)

قبل الزواج: الراجل أعمى والمرأة خرساء.
بعد الزواج: الراجل عينيه زايغة والمرأة لسانها أطول منها.

قبل الزواج: خطيبتك تحبك زي ما أنت ولا تريد تغييرك.
بعد الزواج: تريد تغييرك كل يوم حسب ظروفها النفسية.

قبل الزواج: ما أحلى الهمس واللمس.
بعد الزواج: سب وهمز ولمز.

قبل الزواج: مرة ف الاسماك ومرة ف الاورمان.
بعد الزواج: من القسم للمحكمة يا قلبي لا تحزن.

قبل الزواج: ربنا ما يحرمني منك ويطولي عمرك.
بعد الزواج: يا خسارة !!! الموت بياخود الكويس بس.

قبل الزواج: صور خطيبتك في كل حتة (ف المحفظة ف البيت ف المكتب).
بعد الزواج: التصوير حرام (ويحرق كل الصور) .