هدية لابطال القبور الجماعية
موتيت الموت يل كبرك وطن
كوم على الصوت يلصوتك صلاه
مالكينة اتراب لا دمعة هضم
بس لكينة اوداعتك معنى الحياة
اليحب الناس ما يتنى الشمس
يمشي حد ما تحترك روحه بهواه
انتة هدمك كاعنة هي سوته
ماظن احد الكبلك كدراه
اذن من دفنوك ما غلطوا ترى
جيف كلمن ياخذ اوزاره معاه
ولله دجلة الغسلت جرحك جبير
ماصيحيت أو صيحت يايمة اه
جنهه صبت بيك شريان العمر
وانت عمرك باقي والماتوا طغاة
انت علمت الصبر شنهي الصبر
عالي جاهك ولي ضمك ماله جاه
ماظن المكابر طمت اجتافك
شي نخل العراق ارتفع فوكاه
ولاظن السنين اتنشف ادموعك
ظل جرحك نهر يسكينا مجراه
انت وي سبعين ابو اليمه مشيت
رد بيك الزمان او صرت وياه
شلت بيدك رسالة الهزت اعروش
بيهه صوت البردي رجفات الجباه
انت شاجورك خنك صوت الردى
هددك بالموت ...وزماطك نساه
انت يلعايش ضمير بكل ضمير
صارنيشانك درب يزهي ضواه
انا ارثي ارواحنه الشبعت عطش
عثكك الزعلان ما نوصل مداه
لأن بيه الشجر وجناح الطيور
أو بيه كل احزنة او جلمة احاه