ثابت يعرفه العدو والجن نخى وكلها
حير لباب الحقد ماعدهه بس كلها
جيف الامام الذي حارت به كلها
غير اعلوم الزمن علتاج تاج زاد
معروف ولشيعته أصبح مراد أو زاد
لاهو لا عترته كضوا عمر باوساد
ابيوم تسن الوغى كالوا عليا لها
علي اسمك دعاء وشوفتك بلسم
ياأول ما تليت أحد ويا احد كبرك علجم
يجسام القيامة وبيك قران الشريعة التم
يميسم تزهك الضلوا اراذل..شرذمة..والئم
يساعد وانت نبشانك على صدورالزلم وشم
يقاري انت باذن جبريل اقراء والجبل تم تم
يجفك من أدين ابنك روى الصحرى او شهد زمزم
ما زلت بحياة الناس سر اشما تحلة أبهم
علي الفزعة علي البيرغ علي الأفهم
يمحير الفكر شبدي تاة باولة او ماتم
لأن درب الشمس يمك يلاكي ارويحته باعتم
علي المفطور علي النخوة والجاتل الف ملجم
علي امثلم مثل سيفه علي الماعز علي القدم
أو دم احسين نيشانه بجت ليه الخلك من دم
علي المذكور بالتورات أو موسى الما صبر يعلم
علي الماغرته الدنيا أول مابداها أفطم
علي ياصوت كل مظلوم علي الما بايعك يندم
علي النخلة الأوت مريم وبصوته أهو تكلم
علي لاجله استمر ادم بعد ماخالف الأكرم
أهو ال بر أهو ال بل الجو أهو المابينه اتحكم
أهو الما خاف من يومه غضنفر مرهب أو أجرم
وبن عاص الترع ثوبه نزع وجه البقى امصخم
مايكدر صدك معذور طلعهه أو صدك اسلم
يبايع روحه الملاكيه يعرف تالي يتكوم
أهو الفقار يحلالة..ياجف الي يزيح اظلم
جا ياهو التدنالك نصرت الدين وبن العم
هنيال اليجلب بيك تاه الماكرب واجدم
سفينة نوح بردانك سفينه الماتهاب اليم
ياصوت الله الهزم كسرى يصوت الماعرف ينضم
يمن السلوى للوادم بعد ما داسهه العلكم
جم بخ اليضدك كال بخ بخ بالجسد والهم
والكال اهلكت دونك تكير بالخزي والغم
والبعده نهاية عار قمصانه اصبحت للظلم
طبعا من اجيت الدار الأحرار بعراك الشمس خطارهه امكرم
بعراك الرجال او ديرة اسباع قدموا من دماهم حبك موسم
حضنوك ابمعاني الخير حضنة عاشك اسنينة كضاهه ابغم
تستاهل نحبك ونتة دنيانه..... يبستان الكرم ما عطلك موسم
علي ونرجف اذا جيناك ..... ياخذنة الحي شئ بيتمن نكحم
موش انتة محمد كال ........ هذا انة صفيت اثنين من اكرم
دخيلك وانته مو واحد ....... بس الله اليعرفك شائنك يندم