علي جينة انتشكر بانت الشارة
علي وين ابن ملجم وين طشارة
وهمان اليزامط والد احسين
لاتكريت نفعت لالطم جارة
جاوين القيادة اوين الاولاد
شيطان الصنم يتلكى الحجارة
صبح ماله ديرة او مالة خلان
لاعزة بقى او لا طه بكتارة
لاظلت حماية اتخوف الناس
ريسهم كلب وانكطعت اخبارة
أو ريسنة علي ظل بابه مفتوح
تتعناه رعيته الما نست داره
رغم جان الغراب ايسد الدروب
زحف بالضماير تطلب زيارة
ظل بيتك علي للدوم مهيوب
أو ظلبيته لبريمر خوش تذكارة
نيسانك كعك كصوه العلوج
والصحاف بدل الف نظارة
ظل لابد هنيئا خوش زاغور
الكابل علي ماتفيده كل جارة