مهرة الماي البعيد

خيال أجيت أومهرتي العطشانة شوف
ال ذيج السواكي الغافية
المكترة بضي السيوف
أوسفة من لاكونه
بأهلا بالضيوف
ردت أردن
لاجن المهرة انكرتني
أوسرحت ابستان شطنه
النايم أبسد الجرف
ردت أطيحن
فوط نخله الما سكتني الماي
وكت اصعب ظروف
ردت أردن
لاجن اجناحي اعلى ودهم
رفرف امسودن
يهش لذة الخوف
خيال اجيت بغير ربعي
أو ربعي تاهوا بين دكات الدفوف
اي يامهرة ...
ماتهدنه الريح ذيج العاوية ...
نبني للكمرة جديله من الجفوف
أو لاتخلبنه المسافة
انشيل نخلة اعلى الجتوف
انه مابياش أحط دمعة اعلى عيني
من مشت مثل الاسيرة
أبهضم مبين الصفوف
شبقى يامهرة
أوتنشديني الوطن
والوطن خلانة شمعة
طافية بعز الطيوف
أرد اسولفلج محنه
أرد احط أوياج مرسالي المشكك
خل يشوفونه تعب من الرفوف
أرد اودي وياج بسمة
الكاع ما نزلته من حبل السكوف
لايمهرة
مو أهلنة الي أنكرونه
أل نكرنه الذيب
والذيب بالملكى ترى اول من يلوف