المدينة ..المدينة
لانجيها أولاتجينه
المدينة أطيور جانت ...
واعشاشها جانت أدينه
المدينة ..أويانه تبجي
لوطفح بينه الحزن
وافتر علينه ؟
وهسه من راحت بعيد
مدري احنه الي مشينه
لانحملها مكاتيب السنين
السنين التايهة مثل السفينة
التاه بيها الصيف وحنه امضيعينه
المدينة ...
أبد مابيهه مراجيح أو ورود
أو راح منها الشاعر امودع حنينه
ابد مابيها تصاوير البنات
الراحن وي الشط يصيحن تيهينه
وأبد مابيها البلابل
اتكعد الشجرة اذا نامت حزينه
وأبد مابيهه النهار
الحافي لو مر بالبيوت
ايعوف يم الباب طينه ؟
وأبد ما بيهه الحدايق
لو هوت ريح الكر نفل يفدي عينه
المدينه
كحيل عبرت للغريب
تجيه خطار
تكله اشصار بينه؟
المدينه أحروف بيضة
اتهجت الحسرة ...
او تكومنه اذا يوم أنحنينه
المدينه ام لو يجافيها الولد
تحفر من البيت نكره
أوتوصل الحده أو كمينه
المدينه ازماط اهلنه
عرك فلاح أوجبينه
لايشباجي الزغير
صارلك شباك غيري
وأنت من اسنين ما تفتح حجينه ؟
ال يامدينه تروح ياخايب ولك
ونته تنباع برخص
واليشتري وينه
بلجن اينام الزمان
باجن ايهدي الزمان
أو خلي بالغصبن نعاين لليجينه
المدينه