وعاين عل خريطه أشبعد الأسلام
ونته ابلا خريطه ادلي روحي
علي اسمك زمان أسنينه ايام
علي احتاجيت اجيلك هاي الأيام
علي أوتاهت مراكبنا
شى تركض على المامش
وشى ردت علن تركع للأصنام
شى تبجي جذب وتطشر ادموع
والمذهب ضحيه بعصر ظلام
أهي غربان سودة تسابكت ضد الشمس
والشمس نفس الشمس بين الحطام
وعاين على الخريطه اشبعد الأسلام
أهو بسبحة اليهد واحسنت مأجور
أهي بركضة أوثغيب أو شيله أعلام
علي هذا الوطن مظلوم
أوتدري اشصار بيهه الناس كل واحد صفى صدام
وعاين عل الخريطة اشبعدالاسلام
علي وننطر صحاري الضيم بيهه يطلك زرعنه المات محتام
منهو الي قراك الماي وسط الكيض
ومنهو الي عرف شنهو انت للأسلام
علي جفنوك بافكار المذلة أو فكة احزام
علي شتكول لو يغزل كطنه الليل
واليغزل يلون الكطن بصخام
علي كالو تقية مذهب الناس
وحسينك تقية تخضب الهام
جم ملجم اشوفن يطلب بثارك
وبسيفه يحز اركاب الأيتام
وخيول الزلم نامت
والفارس قضيته بيامجان ينام
اخافن ياعلي ترجع
وتشوف الموالي بصف الأقزام
يكفرك من جديد بحجة الدين
وكبل ما توصل المسجد يوصل سيفه الاعظام
وعاين على الخريطة اشبعد الأسلام
علي شنصرخ اذا وصلت صواري الجوع
والساحة خلت والعدو جدام
يمنهو ايجيبه ياوادم
يمنهو اينشف الدمعة يمنهو ايزيح الاوهام يمنهو أيزيح ...صدام
علي ابوحده تلكاهم
أو لمتنه مهانة اعوام واعوام
وباوع عل خريطة اشبعد الاسلام
لاشرك جته الشمس أو لاغرب غطانه ليله
أو لا غفوة التضمني بهاي الأحلام
حلم واحجيلك اجروحي
يمن شلت الرساله بزند ضرغام
علي أو شلنه اعتراف الذل
والدلة انجفت بمضيف الاعمام
ما واحد طلع للضيم تفاك
والسياف ما هاب المراقد داس الارحام
ردود للزمان الفات
والفاته زمانه بياسعر ينسام
شي كثر الحج او العمرة
او شي تاجر بدمنه وصور افلام
شي عمرت ملاجي اتجمع افلوس .؟
او مسحوه العراق او صار بالشام
شي سكرت خطيه ادور اخبار
او شي تحسب فشلهه او خلصت ارقام
بس انه اعرفت حكمه من الطيور
ليش الرمل يرضى براس الانعام
او ليش الموت يحدي للميامين
ويخلي اليريدة بساحة اعدام
وعاين عل الخريطة اشبعد الأسلام
قصتنه اصبحت فرجة
او رايتنا هوت ما الاعلام
علي او ما ظل امل بالروح
بصدرنه العجز صار اوسام
علي احتاجيت اجيلك هاي الأيام
يزيد أصبح امام الناس
أويعجبنه تراهو ابثواب الأحرام
أو يزيد الماكدر لحسين
توجه اعلى الخيانة وكام


وذا عابس رفض درعه
وادمنه الدرعهه اشترت لحام
أمانتكم بدينه واحنا موش اله
أمانتكم صفت اوراق واختامو
لبسنه الذل رضينه الذل
عكلو صار حلكم واحنا خدام
وعاين عل الخريطة اشبعد الاسلام
وعلي شفناهه هل الوادم
فرس تهوى اليذله او يربط الجام
صفت تنبش سوالف غم
تشك بالعقيدة أوعلم علام
أونعم بأذني أسمعت جاهل
يشتم بالخميني ابشهر الصيام
أوجلب بالصدر شماعة اليوم
والصدر نفسه حجاها ذوبوا ذوبوا بالامام
علي احتاجيت اجيلك هاي الأيام
.................................................. ...............