حايط أودمعه أوسجن
ليل ورموش أوجفن
لاهو يرضى الليل يخلص
أولاخلص دمع الوجن
اشمطولك ياليل..يمبجي السفن
ليل نيشان المسافر..لو مشى أبوحده أوتلكته الرعن
يلهو منهن ماتعرفه ..جالحليم الذات ماعاف الرهن
ياهو منهن ماتعرفه..سد ظلام الليل وذراعه المسرفن
ياهو منهن ماتعرفه..باهش امسودن تراهو من يحن
حايط أودمعه أوسجن
خلصيت الليل وحدي ..أشكد اسولفله يون
بس طلب مني اعيدن سالفه أوجان وحده مرتجن
عانديته أوكمليت ..سولفتله عل الشواطي
عل الروازين التضم مطرة حزن
كتله راحوا واليزتهم وجع بثيابي ردن
كتله راحوا شط عبر بيه الوطن يرسم مدن
كتله راحوا والنياشين ابتفكهم..عيد واهلالة جفن
حايط أودمعه أوسجن