حدر كل الشجر مذبوحة الطيور
والكتلوا تبروا عيب موش احنه
كلشي يموت خنسه وكلشي مذكور
شي طاحت علينه بهل الوكت مزنه
لان شفنه الصدك ويانه مغدور...
اسف صار الجذب كل يوم يجمعنه
ردي هذا الزمان اغرابه مغرور
والبلبل نعى من غرد ابونه
لا تعجب عزيز النفس محكَور
والملثك عزيز ويحجي بالمِنه...
ولك ما صحت النه حتى الكشور
وهمه الموش الهم خذوا منه
صفينه ارماد والايام تنور
والجيمة عمرنه الرخص ثمنه
عطاشى او كل شغلنه كبال ناعور
وكعنه وما شكينه ابيوم همنه
صَدِك ما حلمنه ابعيشة اقصور
ولا يوم ابسنه ينعرف واهسنه
يتامى اودورينه الواث مشمور
مو للجوع لاجن نسد ملجمنه
ولك ما صحت النه حتى الكشور
وهمه الموش الهم خذوا منه
الكراسي الهم صفت والوادم اتثور
صفوا كلشي علينه او صفر صرنه
مالوم البخت موش احنه الفكور
و لا سمى المطر ..مبللنه محنه