ريحة أمي
ياريحة أمي الفايحه مثل الورد
لاوالله أحلى من الورد
أمي ياأول عشك
وطيور جنه الحاطة فوك الجلد
لولي صوت الروح بيج
لولي لن الصوت خلاني ارد
لولي دنيتنه صفت مثل العدو..اشما نحاجيهه تضد
اوياريحة أمي البارحة
فاحت على جفوني نواعير الورد
أمي
ياصوت الطيور ال ينده الدنيه الصبح
اتعلميت الحزن منج..شي رضعنا من نبع تمليه
دمعاتج ونين أومايشح
يل ماوهنتي أوماجزعتي
رغم دكات الوكت كلبج سمع
أمي عاشور ال يجينه
اتحط صواني القاسم أبوجه الجبح
كرم ماشفته كبل
من كمر هاشم خذته درس ماراد الشرح
اتسولف بكعدة الصوبه..
انام فقره نوم ليلة صيف جن فوك السطح
أمي ياأحلى سفينه امسافرة..
ابهل البحر انه غريج..واليطلعني يشح