الثورة
ظلمه
أوخفت وحده الكمر
مسدودة بيبان ابيوت
صرتي
على اعناد الوكت اتضحكين من يخطر موت
كلتي
أصبر وجروحي دوى او ملحك شكر ياطاغوت
ظلي ياثورة امدللة
بس انتي وحدج مالكولج تابوت
الثورة ضد دك الوكت
الثورة ثورة بكل دار
ربتنا ياجور الوكت
سمرة اوطويله امكحله بالجمار
الثورة معروفه وطن
مازعلتنه الوالدة جنه ازغار
تنطرنه ملهوفه كبل
لمن تطول الاسفار
اوحضنتنه بذراع الشرف
اوجان المناشغ ينسمع بالعشار
صح هي مابيهه شجر
جيف احنه جنه الاشجار
مبنيه من طين وعشك
وا فيش اوحجايه صار
ياثورة يابيت العرب
ياثورة يابيت الاخيار
ماننسى كعدات العصر
اولا ننسى مرات الجار
تبقى عناكيدالفرح
رغم البجي والاخبار
ظلي علينه امخيمه
ياخشبه كصي المنشار
الزامطج ندري نذل
ويريد من اهلج ثار
ندريج يايمه ذهب
اوطبع الذهب ماخوفاه الزنجار