كوم حط ايدك أبئيدي ..كوم نطلع للفجر
وانده ابدربك حمامه..امحيره المن تمر
نعير اوشال الجثث
تعبانه ود..تمشي ما همه اذا راح العمر
نزرع الجوم انتظار
بلجن يهل النهار..يمسح اخدود الزغار
انلاكي ملحه اتزت..حلمها اوتنطر اونود السمر
كوم حط ايدك ابئيدي
من ضوانه اضفر كصيبه للنهر ..خلي بزواكه نزفنه الدم يطر
ماتيهينه ادروب اهلنه
اولا عثر شوك المحنه..اليم طواري الروح ودنه
كالوا اوربا التنسي ..أو اوربا نيران اوجمر
كوم حط ايدك ابئيدي
أولو هوت حسنه المدينه..واحنه عنها ابعيد تاخذنه الجزر
اندك على البيبان وكت الموزمه..ونشك قصايدنه اونسد حلك الشعر
عصفور ديرتنه رهيف اشكد رهيف..لاجن امجرب يحب عشه ولاهاب النسر
ليش يادمعه غريبه..وبصخاري الخد حفرتيلج كبر
كبر لجناح العصافيرالزغيرة
كبر للحط السكوت ابحلك غيرة..كبر للشاف الوكت محتاج غيرة
ونتي بعيون الرفض بنباع بيته..خجلانه جنتي من يكتبون السعر
كوم حط ايدك ابئيدي
اليا زمان تصدك اليحجي جذب..ونته مبيوك اوتدورلك عذر
اليا زمان اتهد على الباب الحزين..ودموع تبجي من الصدر
اليا زمان تنام جايع..ونته جربت الوكت صبح اوعصر
كل نياشينك تراهي امرقمة
فهم الينسي يصاحب فهمه..الحقيقه اعلى الدروب امسممة