تعالي ياشقا الحاضر خذيني مع خيالك طيف
انا محتاج اسولف لك وبشرح كامل اوضاعي

على هونك وروفيبي ولاتكوني سحابة صيف
أمل دنياي بوجودك تجدد...صرتي اطماعي

كفى صمتٍ معذبني..كفى صدك بصدري سيف
ملامح لوعة الماضي تبين قصة اوجاعي

تضيع بصرختي نبرة خسارة ماتجي بالكيف
ياليت اقدر أبينها هذاك الحظ لو طاعي

تجيني نسمة الفرقا..وادور عن قمر ماشيف
واراقب بالخلا الموحش رعيه في حمى راعي

اماني عشتها قبلك تلاشت من حياتي زيف
اثرها خافي بصدري لو انه بالهوى شاعي

تقولي وش نوى قلبك واقول ان حبكم لي ضيف
لفاني وتقاصدني..وانا لمقابله ساعي

هلابك مع سناء حبك..غرامك مامعه تزييف
حقيقي..واسئلي قلبي شرا الحب ماباعي

اخاف تسيلي ضنونك وتظهر خانت التوليف
تجيك افكار وتسريبك امور مالها داعي

وانا يامهاجره مابغى جروحي تصير لي تخويف
تزلزل وقفتي واسحب هجوم الحب .. ودفاعي

ترى الحرمان طاويني شقاي وعزوتي تجديف
اجدف في بحر حبك..إلين ارفع به شراعي