بسم الله الرحمن الرحيم


بالنسبة لهذي المشكلة أنا كنت أمر بنفس هالحالة بالضبط كنت تعبانه من هذا الطبع لان أنا وايد طيبة و مو قصدي أن أسوي جذي بس الحالة العصبية اللي كانت فيني كانت تخرب علي كل شي بس الحمد لله اللي حوالي و الناس اللي أتعامل معاهم كانوا يعرفوني عدل علشان جذي ما كانوا يزعلون المهم أنا عالجت نفسي بالطرق التالية و والله حصلت النتيجة بفترة جدا قصيرة

1 – أول شي كنت كل يوم و بأي وقت أحاسب نفسي على كل شي سواء كانت شغلة بسيطة و إلا مو بسيطة أحاسب نفسي و أعاتبها و كل مرة أتعلم حق المرة اللي بعدها و جذي خفت الحالة بنسبة بسيطة
2 – ترويض النفس أروض نفسي بطريقة اللي لما اعصب بسرعة أتذكر إني لازم أتماسك و أقنعت نفسي أن العصبية و الصراخ مو حل و اتبعت المثل إن " الصمت أفضل طريقة للصراخ أحيانا " والله اتبعت هالطريقة و أنفعت معاي
3- ألا بذكر الله تطمئن القلوب بسرعة في حالة الغضب اذكر الله و استغفرة علشان جذي بسرعة اهدي
4- في أذكار أنا دايم ارددها أهي اللي ساعدتني بان أكون هادئة " استغفر الله ربي و أتوب إليه " و " لا اله إلا الله " ترا آثارها عجيبة من صج أنا جربتها
اللي أنا كنت أمر فيه يعني على اقل شي اعصب و اكسر أي شي جدامي بس الحمدلله تغير كل شي
5- أهم شغلة غيرت حياتي اهي زيارة عاشوراء والله والله والله اعتمدوا عليها اقروها كل يوم مرة و شوفو شلون
6- آية الكرسي أقراها كذا مرة باليوم و بعد كل فرض صلاة
7-قراءة: يا من يكفي من كل شي ولا يكفي منه شيء اكفني ما أهمني
8- تعقيبات الصلاة و الشي اللي جداً مهم اهو قراءة دعاء الأمن بعد كل صلاة
بالنسبة للقلوب اللي انكسرت عادي بكل بساطة الاعتذار يمكن ما يكون سهل بس أفضل طريقة جذي تكبر / تكبرين بعين الطرف الثاني و سوف يتأكد انك طيب و موقاصد هالشي أنا عن نفسي سويت جذي والحمد لله أنا الحين من النوع اللي ما يعصب بسرعة ، هدووووء مو طبيعي راحة نفسية من الأعصاب ماكو عصبية وانفعال لما يصير أي موضوع أول أفكر بعدين أرد ، أتمالك أعصابي وألف الحمد لله من زمااااان مارجعت لي هالحالة و ارتحت منها بفضل الله .
شكلي سولفت وايد و طولت عليكم هذي الاشياء عن نفسي انا جربتها واتمنا تجربونها صدقوني تنفع
سامحوني ادري في اخطاء وايد الفاعل بدال المفعول و بالعكس بس قاعدة اطبع بسرعة بدون ما اجيك
اسالكم الدعاء/ مريم العيمية