منهو الي نمرله
منهو الي نمرله بشحه الروح
والوادم غريبه اوهمهه عيب ايروح
منهو الي نمرله بشحه الروح
والوادم جرح فوك الجرح مجروح
لاتكتب دوى لاياطبيبي ارجوك
ماعف الزمان اوحلكه هلمفتوح
حزين انه بكثر مامطرت الغيمات
اشما مرت شمسنا فوك السطوح
وحزين انه بكثر عباس شاف
اذراعه طاح اولا أخو بالسوح
شحجيلك انه مونشفن الدمعات
حجمنه ونين اوغيره منه تفوح
انه الوارث من امي جلمه الاه
رضعتني بحزنهه الجامح اجموح
علمنا الزمان انداري الدمعات
لاجنهه رهيفه اوطاحت اطيوح
اوحنيت بغربتي انعت المريود
عالي الي نحيه اوجفنه عيب ايلوح
هم ظنك زمان الحارب الاحرار
يذعن يوم فعله وللحقيقه اينوح
لاوالله وحك من صعد دمه
بعاشر من محرم بالسهم مذبوح
اوحسبت الليالي نجمه عني اتغيب
طالت ظلمه بيهه اولاتريد تروح
دورت الخريطه اتريد عيني اوطان
لاحارس يسدهه اولاصور بسطوح
اولا صاحب يكرشك ذاته ذيب اتلوع
اولا عين التحسدك لونمت مشروع
ياهو العرف دجله ساعه النشغات
من شافت الهور بغير سابوح
جراهه الوكت بحياله سوط ونار
جيمتهه النذاله اوطاحت اطيوح